یه‌ك شه‌ممه‌ 17 كانونی یه‌كه‌م 2017
ماڵەوە / کوردستان / خەڵكی شاری سەردەشت كاربەدەستێكی حكومەتییان كوشت

خەڵكی شاری سەردەشت كاربەدەستێكی حكومەتییان كوشت

لە ناڕەزایی بە كوشتنی كاسبكارێكی كورد، خەڵكی شاری سەردەشت كاربەدەستێكی حكومەتییان كوشت.

بە پێی راپۆرتی سەرچاوەكانی هەواڵ، دوێنێ پێنجشەممە 9ی مانگی رەزبەر هێزەكانی پۆلیس لە لای مەیدانی “سەرچاوە”ی شاری سەردەشت تەقەیان لە ژمارەیەك خەڵكی كاسبكار و كۆڵبەر كرد و لە ئاكامی دەستڕێژی ئەو هیزانە دا كەسێك بە ناوی “عومەر ئەحمەد زادە” كوڕی محەممەد تەمەن٢٩ ساڵ ، خەڵكی گوندی “بەردان”ی ئالان كوژراو و كەسێكی دیكەش بریندار بوو.

بە دوای ئەو رووداوە دا خەڵكی تووڕە لەم جینایەتە هێرشیان بردە سەر كەلانتەری و چەند ئەفسەری ئەو بنكەیە كە تەقەیان لە كاسبكاران كردبوو، دایە بەر لیدان و كوتان و برینداریان كردن.

بەڵام تووڕەیی خەڵكی وەزاڵەهاتوو دانەمركایەوە و دواتر لە نەخۆشخانەش خۆیان گەیاندە “تاج الدینی” جیگری سەرۆكی كەلانتەری و كۆتاییان بە ژیانی ناوبراو هێنا.

دەوترێ، بارودۆخی سەردەشت ئێستا نائاساییە و چاوەڕوان دەكرێ تێكهەڵچوونی دوێنێ نیوان خەڵك و هێزە حكومەتییەكان، رووداوی دیكەی لێ بكەوێتەوە.

بابەتی هاوپۆل

کاسبکارێکی کورد بە هۆی دەستڕێژی ھیزەکانی رژیم بریندار بوو

کاسبکارێکی دیکەی کوردی خەڵکی شاری سنە لە لایەن ھێزەکانی رژیمەوە بریندار و رەوانەی بەشی ئای …