هه‌ینی 22 ئه‌یلول 2017
ماڵەوە / کوردستان / كۆڵبەرێكی دیكە بە دەستڕێژی گوللە گیانی لەدەستدا

كۆڵبەرێكی دیكە بە دەستڕێژی گوللە گیانی لەدەستدا

لە خاڵی سنووریی “كێلەشین”ی شاری شنۆ لەگەڵ باشووری كوردستان هێزەكانی سپای پاسداران تەقەیان لە كۆڵبەرێكی كورد كردووە و گیانیان لێ ئەستاندووە.

بەپێی راپۆرتی باسنیوز، شەوی رابردوو كۆڵبەریكی كوردی خەڵكی شاری شنۆ ویستوویەتی كەبە مەبەستی دابینكردنی بژیوی ژیانی كەلوپەڵ بۆ شاری شنۆ بگوازێتەوە كەوتووەتە بەر تەقەی هێزەكانی سپای پاسداران.

ئەو كۆڵبەرە كوردە ناوی “ئەحمەد سەلاحپوور” و تەمەن 32 ساڵ و هاوسەریشی بووە و دەوترێت هێزەكانی ئێران پاش ئەوەی تەقەیان لێكردووە دەستیان بەسەر كەلوپەلەكانیشدا گرتووە.

هاوڕییان و كۆڵبەرانی دیكەی كورد “ئەحمەد”یان بە برینداری گەیاندووەتە نەخۆشخانەی شاری شنۆ، بەڵام بەهۆی سەختی برینەكەی گیانی لەدەست داوە.

جێگای ئاماژەیە، لە سەرەتای ئەمساڵەوە هەتا ئێستا واتە لە ماوەی 6 مانگی رابردوو زیاتر لە 30 كۆڵبەری كورد لە سەر سنوورەكانی كوردستان بە دەستی هێزەكانی كۆماری ئیسلامی كوژراو و بریندار بوون.

بابەتی هاوپۆل

ئێران: 8 سەربازی کورد لە ماوەی دوو مانگدا کوژراون

سەربازێکی کورد بە ناوی “تەوحید شەهلایی” خەڵکی شاری کامیاران بە شێوەیەکی گوماناوی کوژرا.