دوو شه‌ممه‌ 23 ته‌مموز 2018
ماڵەوە / کوردستان / كۆڵبەرێكی دیكە بە تەقەی هێزەكانی كۆماری ئیسلامی كوژرا

كۆڵبەرێكی دیكە بە تەقەی هێزەكانی كۆماری ئیسلامی كوژرا

رۆژی رابردوو كۆڵبەرێكی كورد كە لە سنوورەكانی كوردستان سەرقاڵی كاسبی كردن بووە، بە دەستی هێزە نیزامییەكانی كۆماری ئیسلامی ئێران كوژراوە.

بە پێی راپۆرتی باسنیوز، ئەو كۆڵبەرە كوردە ناوی “ئیسماعیل رەمەزانی” و لە خاڵی سنووریی حاجی ئۆمەران لە نزیك ئاوایی “بادیناوێ” كەوتووەتە بۆسەی هێزە ئینتزامییەكان.

ئەو كۆڵبەرە كوردە بێ ئەوەی ئاگادار بكرێتەوە دراوەتە بەر دەستڕێژی گوللە و فیشك بەر سەر و پشتی كەوتووە و دەستبەجێ گیانی لەدەست داوە.

ئیسماعیل ڕەمەزانی باوكی دوو منداڵ و تەمەن 43 ساڵ بووە و دەوترێت پێشتریش لە ساڵی رابردوودا تەقەی لێكرابوو و بەو هۆیەوە دەستیشی ئیفلیج ببوو.

بە وتەی كەسانەی ئاگادار ئەو هاووڵاتییە كوردە تەنانەت هیچ كەلوپەلێكیشی پێ نەبووە و تەنیا ویستوویەتی ئاودیوی باشووور كوردستان بێت و بە كۆڵ كەلوپەل بگوازێتەوە.

بابەتی هاوپۆل

چالاکی مەدەنی کورد  لەشاری ســنە  دەستگیر کرا

یەکێک لە چالاکانی مەدەنی ناسراوی شاری سنە، دوایی بانکهێشت کردنی بۆ دادگا، دەستبەسەر کرا