پێنج شه‌ممه‌ 18 كانونی دووه‌م 2018
ماڵەوە / کوردستان / ژنێكی كورد لە شاری شنۆ بە هۆی خۆكوژییەوە گیانی لەدەستدا

ژنێكی كورد لە شاری شنۆ بە هۆی خۆكوژییەوە گیانی لەدەستدا

ژنێكی كوردی خەڵكی ناوچەی شنۆ لە رێگای خۆهەڵواسینەوە دەستی دایە خۆكوژیی و لەو رێگایەوە گیانی لەدەستدا.

بەپێی راپۆرتی سەرچاوەكانی هەواڵ، ژنێك بە ناوی “زارا مەجیدی” تەمەن 40 سال و خەڵكی یەكێك لە ئاواییەكانی سەر بە شاری شنۆ بەهۆی كێشەی بنەماڵەییەوە دەستی داوەتە خۆكوژیی و لە ئاكامدا گیانی لەدەستداوە.

ئەو ژنە ماوەی یەك ساڵ لەمەوبەر لە هاوسەرەكەی جیا بووەتەوە و لە ماڵی باوكی دەژیا و دەوترێت كە لەم دواییانەدا ئەو ژنە ویستبووی بگەڕێتەوە لای مێردەكەی، بەڵام ماڵی باوكی “زارا” دژایەتیان لەگەڵ گەڕانەوەی بۆ لای مێردەكەی كردووە و چەندین جار لێیان داوە و هەر بەو هۆیەوە زۆر كەوتووەتە ژێر زەخت و گوشار و شەوی رابردوو كۆتایی بە ژیانی خۆی هێناوە.

جێگای ئاماژەیە، نەهامەتیی و كێشەكانی ژیان لە رۆژهەڵاتی كوردستان و ئێران وای لە ژیانی هاوڵاتییان كردووە، كە چەندەها گیر و گرفتی جیاجیا بەرۆكی پێیان گرتووە و زۆر جار بە هۆی ئەم گرفتانە و نەریتی بوونی كۆمەڵگا، پەنا بۆ دیاردەی نەشیاوی خۆكوژیی دەبەن و لەم نێوەشدا كچان و ژنان یەكەم قوربانییانی ئەم دیاردەیەن.

بابەتی هاوپۆل

یەكێك لەگیراوەكانی خۆپیشاندانەكان لە ژێر ئەشكەنجەدا گیانی لەدەستدا

لاوێكی 23ساڵەی تارانی كە لەخۆپیشاندانەكانی چەند رۆژی رابردوو دەستگیركرابوو لە زیندانی ئێڤین لە ژێر ئەشكەنجە …