سێ شه‌ممه‌ 24 كانونی دووه‌م 2023

چالاكێكی مەدەنی كورد لە لایەن هێزە ئەمنیەتییەكانی ئێرانەوە دەستگیر كرا

هێزە ئەمنییەكانی كۆماری ئیسلامی لە ورمێ چالاكوانێكی مەدەنی و فەرهەنگیی كوردیان دەستگیر كردووە.

بە پێی راپۆرتی سەرچاوەكانی هەواڵ، هێزە ئەمنییەكانی كۆماری ئیسلامی لە شاری ورمێ ڕژاونەتە ماڵی كەسێك بە ناوی “فەرهاد عەلیزادە” و ناوبراویان دەستگیر و راپێچی شوێنێكی نادیار كردووە.

فەرهاد عەلیزادە خەڵكی شاری شنۆ و ماوەی پێنج ساڵ دەبێ لە شاری ورمێ نیشتەجێیە و سەرقاڵی كاری هونەری و فەرهەنگیی بووە.

ئەو هاوڵاتیە كوردە لە شوێنە فێركارییەكانی ورمێ راهێنانی ژەنیاری بە لاوەكان كردووە و هاوكاتیش لە كۆڕ و كۆبوونەوە ئەدەبیەكاندا شێعری خویندووەتەوە.

ئەو چالاكە فەرهەنگییە پێشتر لە ساڵی 2013دا جارێكی دیكە دەستگیر كراوە و پاش هەفتەیەك راگرتنی لە گرتووخانەی ئیدارەی ئیتلاعاتی ورمێ، ئازاد كرابوو.

دەوترێت فەرهاد بە تۆمەتی “پروپاگەندە بە دژی كۆماری ئیسلامی” دەستگیر كرابوو.

لە ماوەی 3 مانگی رابردوودا شەپۆلێك لە گیران و دەستگیركردنی چالاكوانانی سیاسی، مەدەنی و لاوانی كورد بە دەستی هیزە ئەمنیەتییەكانی ئێران لە كوردستان دەستی پێكردووە و چارەنووسی بەشێكیان هەتا ئێستاش نادیارە.

بابەتی هاوپۆل

«خدیجە مھدی پور» بە ٢٠ ماە حبس تعزیری محکوم شد

«خدیجە مھدی پور» بە ٢٠ ماە حبس تعزیری محکوم شد برپایەی گزارشھا؛ فعال زن کرد …