ماڵەوە / کوردستان / ژنێكی كورد بە هۆی هەڵەی پزیشكیەوە گیانی لەدەستدا

ژنێكی كورد بە هۆی هەڵەی پزیشكیەوە گیانی لەدەستدا

ژنێكی كوردی دووگیانی خەڵكی شاری “سایین قەڵا” لە نەخۆشخانەی ئەو شارە بەهۆی كەمتەرخەمی و هەڵەی پزیشكییەوە گیانی لەدەست داوە.

بەپێی هەواڵی باسنیوز، ناوی ئەو ژنە “خاتوون” و تەمەنی 39 ساڵ بووە و پاش ئەوەی باری تەندرووستیی تێكچووە گەیاندراوەتە نەخۆشخانەی شاری سایین قەڵا و دواتر لەلایەن پزیشكەوە دەرزی بۆ نووسراوە.

دەوترێت پزیشكەكە لە جیاتی ئەوەی كە دەرزییەكەی تێكەڵ بە سیرۆم بكات ڕاستەوخۆ دەرزییەكەی لە دەماری دەستی داوە و دوای ماوەیەك زەختی بەرز بووەتەوە و دڵی تووشی ڕاوەستان هاتووە.

بنەماڵەی ئەو ژنە سكاڵایان لەدژی پزیشكەكە كردووە، بەڵام هەتا ئێستە سەندیكای پزیشكان وەڵامێكی ئەوتۆیان بەو بنەماڵەیە نەداوەتەوە و وتوویانە ئەو ژنە بۆ خۆی نەخۆشیی دڵی هەبووە.

باس لەوەش كراوە كە ئەو ژنە ئاولەمەكەی ناو زكیشی كە چوار مانگان بووە مردووە.

بابەتی هاوپۆل

سادق لاریجانی: ئێمە لە ئێران زیندانی سیاسیمان نییە

سادق لاریجانی، سەرۆکی دەزگای دادوەریی ڕژیمی ئێران وێرای ڕەخنە لەو کەسانەی کە داوای ئازاد کردنی …