هه‌ینی 24 تشرینی دووه‌م 2017
ماڵەوە / پەرتۆک / کتێب.. کاک فوئاد مستەفا سوڵتانی

کتێب.. کاک فوئاد مستەفا سوڵتانی

ناوی کتێب: کاک فوئاد مستەفا سوڵتانی

کێ بوو،
            ئامانجی چی بوو،
                          چۆن گیانی بەختکرد؟

ژیاننامە، بیرەوەری، لێکدانەوە و گێڕانەوەی دۆستان، هاوڕێیان و نزیکان

خوێنەری بەڕێز!
مەبەستی ئەم کتێبە تیشک خستنە سەر ژیانی کاک فوئاد مستەفا سوڵتانی و هەروەها روونکردنەوەی بەشێک لە مێژووی خەباتی خەڵکی ڕۆژهەڵاتی کوردستانە و سێ تەوەری سەرەکی دەگرێتە خۆی:
یەکەم، کەسایەتی و ڕۆڵی کاک فوئاد وەکوو کەسێک کە بەردەوام خەریکی بەشداریکردن و خۆتێوەگلاندن بوو لە هەموو بزووتنەوەیەکی کرێکاری، جووتیاری، زەحمەتکێشی و جەماوەری لە هەموو بەشەکانی کوردستاندا. جێ پەنجەی ئەو لە بوارە جۆراوجۆرەکاندا: لە ناوهاوڕێیانی سیاسی، لە زیندان، لەناو چەپی ئێران، لە بزووتنەوەی خەڵکی مەریوان، لە بزووتنەوەی جەماوەری و شۆڕشگێرانەی کوردستان، لە ناو بزووتنەوەی گەلی کورد لە بەشەکانی دیکەی کوردستاندا، لەناو بزووتنەوەی سوسیالیستی و کۆمونیستی لە کوردستان و لە ئێران.
دووهەم، چۆنییەتی گیانبەختکردنی کاک فوئاد و گێڕانەوەیەکی وردی سەفەرەکەی لە بانەوە بەرەو مەریوان، گەڕانەوەی و تێکهەڵچوون و گیان لەدەستدانی ئەو و کاک تەهموورس ئەکبەری. چۆن چوو بۆ ئەو سەفەرە؟ بۆچی چوو؟ کێی لەگەڵدا چوو و لەگەڵ کێگەلدا گەڕایەوە؟ ئایا کوژرانی پیلانێکی داڕێژراو بوو لە لایەن کۆماری ئیسلامی و کۆنەپەرەستانی ناوچەکەوە یان رێکەوت وایکرد کە لە کاتێکی خراپدا بکەوێتە شوێنێکی ئاڵۆزەوە؟
سێهەم، لە ڕەوتی لێکدانەوە و بەدواداچوونی ئەو دوو تەوەرەدا تیشک خستنە سەر مێژووی کۆمەڵە و ڕوونکردنەوەی چەندین لایەن و بیر و بۆچوون و سیاسەت، کە لەلایەن خودی ڕێکخراوەی کۆمەڵەوە کارێکی ئەوتۆی بۆ نەکراوە، یان زۆر کەم و تەنها لە کەنارەوە سەیری کراوە.

بەشێك لە پێشەكی چاپی یەكەم

barg1

بابەتی هاوپۆل

بەڤیدیۆ.. هێزەکانی رژیم لە سەرپێڵ‌زهاو بە گازی فرمێسکڕێژ هێرشیان کردە سەر خەڵک

لە گرتە ڤیدیۆیەکدا ک ەلە تۆڕە کۆمەڵایەتییەکان بڵاو کراوەتەوە، هاوڵاتیانی بووومەلەرزەلێدراوی شاری سەرپێڵ‌زەهاو لا کاتی …