دوو شه‌ممه‌ 28 ئه‌یلول 2020
ماڵەوە / کوردستان / دوو رێكخراوی مافپارێز كوشتنی كۆڵبەرانیان مەحكوم كرد

دوو رێكخراوی مافپارێز كوشتنی كۆڵبەرانیان مەحكوم كرد

دوو رێكخراوی مافپارێز لەوانە “كانونی بەرگری مافی مرۆڤ لە ئێران و كومیتەی بەرگری لە مافی قەوم و نەتەوەكانی ئێرانی” بە دەركردنی راگەیەندراوێكی هاوبەش، كوشتنی كۆڵبەرانیان بە توندی مەحكوم كردووە.

لەو راگەیەندراوەدا كە نوسخەیەكی بە دەستی “زاگرۆس پۆست” گەیشتووە، هاتووە: هەموو نەتەوەكان مافی خودموختارییان هەیە، بەڵام كوشتن و برینداركردنی چینێك لە خەڵكی هەژار و دەسكورت و بەشمەینەتی كوردستان واتە كاسبكارانی سەر سنوور (كۆڵبەران) یان بەتاڵان بردنی كەلوپەلەكانیان بووەتە یەكێك لە ئەركەكانی هێزە ئەمنیەتی و نیزامییەكان و بەداخەوە تا ئێستا ئەم بابەتە لەگەڵ كەمتەرخەمی لایەنگرانی مافی مرۆڤ و رێكخراوە سیاسی و نێودەوڵەتییەكان بەرەوڕوو بووەتەوە.

لە بەشێكی دیكەی راگەیەندراوەكەدا هاتووە، ئەم گرووپە لە خەڵكی كوردستان لە ریزی ستەم لێ كراوترین چینەكانی كۆمەڵگان، كە هیچ كەسێك بۆ گیان و ژیانی ئەوان بایەخێك دانانێت و هێشتاكە لە هەبوونی لایەنگر و پشتیوانێكی دڵسۆز بێبەرین.

شایانی باسە، رۆژانە و بە شێوەی بەردەوام كۆڵبەران و كاسبكارانی سەر سنوور لە ناوچە جیاجیاكانی كوردستان لە لایەن هێزە چەكدارەكانی كۆماری ئیسلامیەوە بەرەوڕووی هێرش دەبنەوە و گیان و ماڵیان دەكەوێتە بەر مەترسی لەنێوچوون.

بابەتی هاوپۆل

بازداشت دو برادر توسط نیروهای امنیتی رژیم در مھاباد

روز چهارشنبه ۲۶ شهریور ماه، طی روزهای اخیر ماموران اداره اطلاعات رژیم دو برادر به …