شه‌ممه‌ 18 تشرینی دووه‌م 2017
ماڵەوە / کوردستان / كۆڵبەرێكی دیكە بە تەقەی هێزەكانی كۆماری ئیسلامی كوژرا

كۆڵبەرێكی دیكە بە تەقەی هێزەكانی كۆماری ئیسلامی كوژرا

لە ناوچە سنوورییەكانی ڕۆژهەڵاتی كوردستان كۆڵبەرێكی كوردی تەمەن 44 ساڵ بە تەقەی هێزە نیزامییەكان گیانی لەدەست داوە.

بەپێی راپۆرتی باسنیوز، شەوی رابردوو لە سنووری حاجی ئۆمەران كۆڵبەرێك بەناوی ” ئەلیاس” تەمەن 44 ساڵ و خەڵكی شاری مەهاباد كوژراوە.

ئەو كۆڵبەرە كوردە كەوتووەتە بۆسەی هێزە نیزامییەكانی ئێران و دراوەتە بەر دەستڕێژی گوللە و مردووە.

چەند ڕۆژ لەمەوبەریش كۆلبەرێكی دیكەی كورد بەناوی “سیروان ئیبراهیمی” تەمەن 31 ساڵ، كوڕی لوتفوڵڵا، ناوی كۆڵبەرێكی دیكەی كورد بوو كە بە تەقەی هێزەكانی سپای پاسداران گیانی لەدەست دابووو.

لەو هێرشەی سپای پاسداراندا، چەند سەر ئەسپی بارهەڵگری كاسبكارانیش بە كوشت چووبوون و ئەو دەستڕێژی كردنە لە ناوچەی رەبەتی سەر بە شاری سەردەشت ڕووی دابوو.

دانیشتووانی ناوچە سنووریەكانی كوردستان، بەهۆی بێ دەرەتانی و دەستكورتی و نەبوونی پیشەیەكی شیاو بەناچاری ڕوویان لە پیشەی مەترسیداری كۆڵبەری كردووە و زۆرجاربەرەوڕووی تەقەی هێزەكانی كۆماری ئیسلامی دەبنەوە و گیانیان لەدەست دەدەن.

بابەتی هاوپۆل

بەوێنە.. ژمارەی قوربانیانی بوومەلەرزە بەرز دەبێتەوە

بەهۆی بوومەلەرزەكەی شەوی رابردوو لەپارێزگار كرماشان تا ئێستا لانیكەم 348 كەس گیانیان لەدەستداوە‌و نزیكەی 7000 …