هه‌ینی 19 تشرینی یه‌كه‌م 2018
ماڵەوە / ئێران / رێژەی بێكاریی لە ئێران بۆ 4 میلیۆن كەس بەرز دەبێتەوە

رێژەی بێكاریی لە ئێران بۆ 4 میلیۆن كەس بەرز دەبێتەوە

تا چەند ساڵی‌ دیكە ڕێژەی‌ بێكارانی‌ ئێران تا‌ 4 میلیۆن كەس بەرز دەبێتەوە.

ناوەندی‌ توێژینەوەكانی‌ مەجلیسی‌ ئێران سەبارەت بە بەرزبوونەوەی‌ ڕێژەی‌ بێكاران لەم وڵاتە و گرفتی‌ بێكاریی‌ خەڵك، لایەنە پێوەندیدارەكانی‌ وریا كردۆتەوە كە ئەگەر بەم ڕواڵە بڕواتە پێش تووشی قەیرانێكی گەورە دەبین‌.

ئەم ناوەندە پێشبینی‌ كردووە كە تەنانەت ئەگەر دوای‌ 6 ساڵی‌ دیكەش، ئابووریی‌ ئێران لە هەر ساڵدا تا ئاستی‌ 5% گەشە بكا، دیسانیش ڕێژەی‌ بێكارانی‌ ئەم وڵاتە دەگاتە 4 میلیۆن كەس و نرخی‌ بێكاریش 16% دەبێ‌.

بەپێی‌ ڕاپۆرتی‌ ئەم ناوەندە لە نێوان ساڵەكانی‌ 1384 تا 1392 كە دەكاتە 8 ساڵ، 5 میلیۆن و 600 هەزار كەس بە لیستی‌ دەرچووانی‌ زانكۆكانەوە زیاد بوون.

بابەتی هاوپۆل

پەیامی ناوەندی هاوکاریی حیزبەکانی کوردستان لە سەر مانگرتنی مامۆستایان

راگەیندراوی ناوەندی هاوکاریی حیزبەکانی کوردستانی ئێران سەبارەت بە مانگرتنی گشتی مامۆستایانی قۆتابخانەکان.