یه‌ك شه‌ممه‌ 21 كانونی دووه‌م 2018
ماڵەوە / کوردستان / ئەگەری لەسێدارەدانی زیندانیەكی سیاسی كورد دوور لە چاوەڕوانی نیە

ئەگەری لەسێدارەدانی زیندانیەكی سیاسی كورد دوور لە چاوەڕوانی نیە

بێهروز ئاڵخانی گیراوی سیاسی كوردی مەحكووم بە ئێعدام لە زیندانی ورمێ بە مەبەستی جێبەجێكردنی حوكمەكەی بۆ ژووری تاكەكەسی گوازراوەتەوە.

بە پێی راپۆرتی سەرچاوەكانی هەواڵ، “بێهروز ئاڵخانی” زیندانییەكی سیاسی كوردی مەحكووم بە ئیعدام لە زیندانی ناوەندی ورمێ، پێش نیوەڕۆی ئەمڕۆ سێشەممە رێكەوتی 3ی خەرمانان، بە مەبەستی جێ بەجێ كردنی حوكمی ئیعدامەكەی گوازرایەوە بۆ ژووری تاكەكەسی ئەو زیندانەو بنەماڵەكەیشی بە مەبەستی دواین چاوپێكەوتن لە گەڵ ئەو زیندانییە كوردە مەحكووم بە ئیعدامە بانگ كراون تاكوو ماڵئاوایی لەو ئەندامەی بنەماڵەیان بكەن.

شایانی باسە، ئەو زیندانییە سیاسیە كوردە لە دایك بووی ساڵی 1364ی هەتاوی و خەڵكی شاری سەڵماس و لە گەڵ 15 شارۆمەندی دیكە لە رێكەوتی 7ی رێبەندانی ساڵی 1388ی هەتاوی لە لایەن هێزە ئەمنییەكانی ئەو شارەوە بە تۆمەتی پەیوەندی گرتن لە گەڵ یەكێك لە حیزبە كوردییەكان، دەستبەسەرو بە دوای چەند مانگ لە تێپەڕ بوونی دەستبەسەر كردنەكەی، لە لقی 1ی دادگای ئینقلابی ورمێ بە تۆمەتی بەشداری كردن لە كردەوەی كوشتنی دادستانی شاری خۆی، بە بەرپرسیارییەتی قازی چابۆك بە ئیعدام مەحكووم كراوە.

بابەتی هاوپۆل

یەكێك لەگیراوەكانی خۆپیشاندانەكان لە ژێر ئەشكەنجەدا گیانی لەدەستدا

لاوێكی 23ساڵەی تارانی كە لەخۆپیشاندانەكانی چەند رۆژی رابردوو دەستگیركرابوو لە زیندانی ئێڤین لە ژێر ئەشكەنجە …