دوو شه‌ممه‌ 23 ته‌مموز 2018
ماڵەوە / کوردستان / تەقەی هێزەكانی كۆماری ئیسلامی 2 كۆڵبەری دیكەی قوربانیی كرد

تەقەی هێزەكانی كۆماری ئیسلامی 2 كۆڵبەری دیكەی قوربانیی كرد

لە ناوچە سنوورییەكانی شاری پیرانشار هێزە چەكدارەكانی كۆماری ئیسلامی تەقەیان لە ژمارەیەك كۆڵبەری كورد كرد و بەو هۆیەوە كۆڵبەرێك كوژرا و یەكێكی دیكەش بریندار بووە.

بەپێی راپۆرتی باسنیوز، هێزەكانی سەر سنووری كۆماری ئیسلامی لە شاری پیرانشار، تەقەیان لە ژمارەیەك كۆڵبەری كورد كردووە و بەو هۆیەوە كۆڵبەرێك بە ناوی “عەلی محەممەدیان” تەمەن 42 ساڵ، گیانی لەدەست داوە.

هاوكات لەگەڵ ئەو دەستڕێژی كردنە كۆڵبەرێكی دیكە بە ناوی “عەبدوڵڵا محەممەدیان” بە سەختی بریندار بووە.

ئەو 2 هاووڵاتییە كوردە، خەڵكی ناوچەی مەهاباد بوون و بە مەبەستی دابینكردنی بژێوی ژیانیان، ڕوویان لە سنوورەكان كردبوو و هەوڵیان داوە لە ڕێگەی كۆڵبەرییەوە، ژیانی ماڵ و منداڵەكانیان دابین بكەن.

بابەتی هاوپۆل

چالاکی مەدەنی کورد  لەشاری ســنە  دەستگیر کرا

یەکێک لە چالاکانی مەدەنی ناسراوی شاری سنە، دوایی بانکهێشت کردنی بۆ دادگا، دەستبەسەر کرا