چوار شه‌ممه‌ 10 ته‌مموز 2024

نزیكەی 10 میلیۆن نەخوێندەوار لە ئێران بوونی هەیە

بە وتەی ئەندامێكی مەجلیسی ئێران، نزیكەی 10 میلیۆن كەس لەو وڵاتە نەخوێندەوان.

“عەتائوڵڵا سوڵتانی‌ سەبوور” ئەندامی‌ كۆمیسیۆنی‌ پەروەردە و توێژینەوەكانی‌ مەجلیسی ئێران و‌تی : 9 میلیۆن و 600 هەزار كەس لەم وڵاتە نەخوێندەوارن و ئەمەش لە بارودۆخی ئەمڕۆدا شیاو نییە.

سوڵتانی‌ سەبوور لە لێدوانێكدا بۆ هەواڵنێریی حكنومەتیی مێهر، بوونی‌ ئەم ڕێژە نەخوێندەوارەی‌ لە ئێران بە كارەسات ناوبردووە و وتوویەتی‌ پێویستە بۆ كەمكردنەوەی‌ ئەم رێژە‌ نەخوێندەوارە ناوەند و ڕێكخراوەكانی‌ دیكەش هاوكاری‌ وەزارەتی‌ پەروەردە و بارهێنان بكەن. ئەندامی‌ كۆمیسیۆنی‌ پەروەردە و توێژینەوەكانی‌ مەجلیس بكەن.”

ناوبراو گەورەترین قەیرانی‌ ئێستای‌ پەروەردە و بارهێنانی‌ بە هاوكاری‌ نەكردنی‌ ڕێكخراوەكان لەگەڵ یەكتری‌ دەزانێت‌ و دەلێت‌: بەداخەوە هەموو لایەك لەم باوەڕەدا‌ن كە پەروەردە و ڕاهێنان تەنیا ئەركی‌ وەزارەتی‌ پەروەردە و بارهێنانە، هەر ئەوەشە كە پەرەی‌ بە نەخوێندەواری‌ داوە.

بە وتەی‌ ناوبراو زۆرترین ئاماری‌ نەخوێندەواری‌ لە ئێران لە قۆناغی‌ تەمەنیی‌ 35 ساڵ بۆ سەرەوەیە. ساڵی‌ ڕابردووش “عەلی‌ باقرزادە” جێگری‌ وەزیری‌ پەروەردە و بارهێنان و سەرۆكی‌ ڕێكخراوی‌ نەهێشتنی مەخوێندەواری ئاماری‌ نەخوێندەوارانی‌ ئەم وڵاتەی‌ تا ئاستی‌ 3 میلیۆن و 500 هەزار كەس ڕاگەیاندبوو.

ئەم ئامارە گرووپی‌ تەمەنیی‌ ژێر 50 ساڵ دەگرێتەوە و پارێزگای‌ تاران پاش سیستان و بەلووچستان پلەی‌ دووەمی‌ نەخوێندەواریی‌ ئەم وڵاتەی‌ بۆ تەرخان كراوە.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …