چوار شه‌ممه‌ 21 تشرینی دووه‌م 2018
ماڵەوە / کوردستان / سنووری پەرویزخان بەڕووی كۆڵبەران دادەخرێت

سنووری پەرویزخان بەڕووی كۆڵبەران دادەخرێت

بە وتەی جێگری سیاسیی قایمەقامی شاری “قەسر شیرین” چالاكیی كۆڵبەری و هێنان و بردنی كەلوپەل لە سنوری پەروێزخانەوە لەلایەن حكومەتەوە لە دوێنێ‌ شەممەوە پێشی پێ گیراوە.

“نیعمەتوڵڵا نازپەروەردە” لە وتووێژێك لەگەڵ هەواڵنێریی حكومەتیی ئێرنا وتی: “چالاكیی كۆڵبەری و كاسبیی كۆڵبەران لە سنووری پەروێزخانەوە بە مەبەستی پێشگیری لە هێنانی كەلوپەلی بیانی لە هەرێمی كوردستانەوە بۆ ئێران لەسەر داوای وەزارەتی ناوخۆ پێشی پێگیراوە.”

بە وتەی ئەو بەرپرسە حكومەتییە چالاكیی كۆڵبەری و هێنان و بردنی كاڵا لەلایەن كۆڵبەرانەوە بۆووەتە هۆی رەونەقی بازرگانی لە شاری قەسرشیرین و ئێستە بە داخرانی ئەو كەرتە نزیكەی 2 هەزار كەس بێكار بوون و ئەمەش كاریگەریی نەرێنیی لەسەر بنەماڵەكانیان دەبێت.

جێبەجێكردنی ئەو بڕیارە نەتەنیا بووەتە هۆی بێكاربوونی 2 هەزار كاسبكاری كورد، بەڵكوو 200 شۆفیر و 100 دووكانداریش كە سەرقاڵی گواستنەوە و فرۆشی ئەو كاڵایانەن، بێكار بوون.

بەپێی ئامارەكان ساڵی پار بەگشتی 2 هەزار و 580 ملیار ریاڵ داهات لەرێگەی چالاكیی كۆڵبەرییەوە هێنراوەتە ناو شاری قەسر شیرینەوە.

دەبێ بوترێ، بەشێك لە هاووڵاتیان و كاسبكارانی شارە سنوورییەكانی كوردستان وەك “قەسر شیرین، جوانڕۆ، پاوە، نەوسوود، نۆدشە، مەریوان، بانە، سەردەشت، پیرانشار، شنۆ، ورمێ‌ و سەڵماس و..” بەهۆی نەبوونی كار و زۆریی رێژەی بێكاری بە ناچاری پیشەی پڕ مەترسیی كۆڵبەری هەڵدەبژێرن و بەم هۆشیەشەوە دەكەونە بەر تەقەی هێزە كۆماری ئیسلامی ئێرانەوە ساڵانە بەدەیان كۆڵبەری كورد دەبنە قوربانی.

بابەتی هاوپۆل

نادیار ی چارەنووسی مامۆستایەکی دەستبەسەر کراو لە دیواندەرە

ڕۆژی ٢١ی خەزەڵوەر مامۆستایەکی خەڵکی شاری دیواندەرە لە لایەن هێزەکانی ئیدارەی ئیتلاعاتی ڕژیمی ئەو شارەوە …