چوار شه‌ممه‌ 17 تشرینی یه‌كه‌م 2018
ماڵەوە / کوردستان / ژنێك لە شاری مەریوان بە هۆی خۆكوژییەوە گیانی لەدەستدا

ژنێك لە شاری مەریوان بە هۆی خۆكوژییەوە گیانی لەدەستدا

ژنێكی تەمەن 38 ساڵەی خەڵكی شاری مەریوان بەهۆی كێشەی بنەماڵەییەوە ئاگری لە جەستەی خۆی بەردا و بەو هۆیەوە گیانی لەدەست داوە.

بە پێی راپۆرتی باسنیوز، ئەو ژنە ناوی “سارا ئێقباڵی” و تەمەن 38 ساڵ بووە و ماوەی دوو ساڵە لە هاوسەرەكەی جیا بووەتەوە و لە ماڵی باوكی دەستی داوەتە خۆكوژی.

ناوبراو دوو منداڵی هەبووە و بەهۆی كێشەی بنەماڵەییەوە لە هاوسەرەكەی جیا ببووەوە.

سارا كە ماوەی دوو ساڵە لە ماڵی باوكی بوو بە بەردەوامی كێشەی بو دروست كراوە و تەنانەت ئیزن نەدراوە منداڵەكانیشی سەردانی بكەن و بەو بۆنەوە دەستی داوەتە خۆكوژیی.

بەشێك لە ژنانی كورد بە بەردەوامی هەوڵی خۆكوژی دەدەن و لە زۆربەی حاڵەتەكانیشدا لە هەوڵەكانیاندا سەركەوتوو دەبن و شارەزایان پێیان وایە كە هەژاری، نەریتی بوونی كۆمەڵگە و پیاوسالاری بە هۆكارەكانی خۆكوژی ژنان دێنە ئەژمار.

بابەتی هاوپۆل

پەیامی ناوەندی هاوکاریی حیزبەکانی کوردستان لە سەر مانگرتنی مامۆستایان

راگەیندراوی ناوەندی هاوکاریی حیزبەکانی کوردستانی ئێران سەبارەت بە مانگرتنی گشتی مامۆستایانی قۆتابخانەکان.