دوو شه‌ممه‌ 22 تشرینی یه‌كه‌م 2018
ماڵەوە / کوردستان / شەڕی پەكەكە و توركیە تا ئێستا 700 كوژراو و برینداری لێكەوتووەتەوە

شەڕی پەكەكە و توركیە تا ئێستا 700 كوژراو و برینداری لێكەوتووەتەوە

لە ماوەی مانگێك شەڕی نێوان گەریلاكانی پەكەكە و سپای توركیە دوو سەد كەس كوژراون.

“ئیدریس بالوكان”پەرلەمانتاری پارتی دیموكراتی گەلان- هەدەپە ئاشكرایكرد لە ماوەی مانگێك شەڕی نێوان گەریلاكانی پەكەكە و سپای توركی 200 كەس گیانیان لەدەستداوە و 500 كەسی دیكەیش برینداربوونە.

لەكۆنگرەیەكی رۆژنامەوانیدا لە ئامەد، “ئیدریس بالوكان” پەرلەمانتاری پارتی دیموكراتی گەلان- هەدەپە، كە بە سەرۆكایەتی شاندێكی پەرلەمانتارانی هەدەپە سەردانی ناوچەكانی شەڕیان كردووە و راپۆرتێكیان سەبارەت بە رووداوەكانی ئەم دواییەی توركیە و باكووری كوردستان ئامادەكردووە،  رایگەیاند:” بێ جیاوازی سەرباز و پۆلیس و گەریلا و خەڵكی مەدەنی لە شەڕەكەدا بوونەت قوربانی و زەرەرمەندی یەكەمی شەڕ و ئاڵۆزییەكانیش خەڵكی توركیەن بە بێ جیاوازی”.

بالوكان هەر لە كۆنگرە رۆژنامەوانییەكەدا رایگەیاند: ” ئەو شەڕەی تا ئێستا بەردەوامە و ئەگەر پێشی پێ نەگیردرێت ژیانی خەڵكیكی زیاتریش دەكاتە قوربانیی، چونكە سپا لە هەموو ناوچەكانی باكووری كوردستان  ئۆپەراسیۆن دەكات و خەڵكیش دەبنە قوربانی تیرۆری دەوڵەت”.

شەڕ و پێكدادانەكانی نێوان پەكەكە و سپای توركیە لەدوای ئەوە دێت، كە فڕۆكە جەنگییەكانی توركیە لە شەوی هەینی 25-7-2015 زایینی بۆ یەكەمجار لەدوای پرۆسەی ئاشتی هێرشیانكردە سەر بنكە و بارەگاكانی پارتی كرێكارانی كوردستان لە چەند ناوچەیەكی باشووری كوردستان.

بابەتی هاوپۆل

احضار شش معلم در شهر سقز بە ادارە اماکن این شهر

شش معلم اهل شهر سقز و همچنین یک نفر عضو انجمن صنفی معلمان سقز بە …