پێنج شه‌ممه‌ 23 تشرینی دووه‌م 2017
ماڵەوە / کوردستان / لاوێكی مەریوانی لە لایەن هێزەكانی سپاوە دەستگیر كرا

لاوێكی مەریوانی لە لایەن هێزەكانی سپاوە دەستگیر كرا

لە ماوەی رۆژانی رابردوو لاوێكی خەڵكی شاری مەریوان لە لایەن هێزەكانی سپای پاسدارانەوە دەستگیر كرا و وێڕای بەدواداچوونەكانی بنەماڵەكەی هەتا ئێستا هیچ زانیارییەك سەبارەت بە چارەنووسی لە بەردەستدا نیە.

بە پێی راپۆرتەكان لەمبارەوە، “دانا ساڵحی” 21 ساڵە لە نزیكی شاری مەریوان لە لایەن هێزەكانی سپای پاسدارانی ئێرانەوە بە بێ هیچ هۆكارێك دراوەتە بەر دەستڕێژ. ناوبراو كە هاوڕێ لەگەڵ 2 كەسی دیكە سەواری ماتۆڕسیكلێت بوون پاش ئەوەیكە ماتۆڕەكەیان راگرتووە، دانا دەستگیر كراوە و پاش یەك رۆژ مانەوە لە گرتووەخانەی سپا لە شاری مەریوان بە شێوەی تەلەفۆنی و بۆ ماوەیەكی كورت بە بنەماڵەكەی راگەیاندووە كە حەولەكانی خۆیان بۆ رزگاركردنی ناوبراو بخەنە گەڕ.

پاش ئەو پەیوەندییە تەلەفۆنیە تا ئێستا وێڕای بەدواداچوونەكانی بنەماڵەكەی بۆ ناوەندە ئەمنیەتییەكان، بەڵام هیچ زانیارییەك سەبارەت بە چارەنووسی لە بەردەستدا نیە.

بابەتی هاوپۆل

سنە.. ناردنی ٢٠٠ کانێکس بۆ بوومەلەرزە لێدراوان

لە لایەن رێکخراوی نیزامی موھەندسی پارێزگای سنە، ژمارەیەکی بەرچاو کانێکس پێشکەشی خەڵکی بوومەلەرزە لێدراوی پارێزگای …