پێنج شه‌ممه‌ 28 ئازار 2024

كۆمەڵە راگەیەندراوێكی سەبارەت بە قەیرانی سەرۆكایەتی هەرێم بڵاو كردەوە

دیاریكردنی سەرۆكی هەرێمی كوردستان ئێستاكە یەكێك لە بەرچاوترین كێشەكانی باشووری كوردستان دێتە ئەژمار و ئەمەش وایكردووە كە لایەنەكانی باشوور لە سەر درێژكردنەوەی مۆڵەی سەرۆكایەتی “مەسعود بارزانی” بۆ ماوەی 2 ساڵی دیكە لە پۆستی سەرۆكایەتی هەرێم یان دیاری كردنی كەسێكی دیكە، كێشە و ناكۆكی كەوتووئتئ نێوانیان.

لەم پەیوەندەدا “كۆمەڵەی زەحمەتكێشانی كوردستان” وەك یەكەم حیزبی رۆژهەڵاتی هەڵوێستی خۆی لەم بارەوە دەربڕیوە و بە بڵاو كردنەوەی راگەیەندراوێكی داوای یەكگرتوویی و هاو هەڵوێستی لایەنە سیاسیەكانی كردووە بۆ چارەسەریی ئەم كێشەیە.

دەقی راگەیەندراوەكەی كۆمەڵە بەمچەشنەیە:

 

راگەیاندنی کۆمەڵە سەبارەت بە قەیرانی سەرۆکایەتی هەرێم

ماوەیەکە چۆنیەتی هەڵبژاردن و رادەی دەسەڵاتەکانی سەرۆکی هەرێمی کوردستان، لە ناو هێزە سیاسیەکانی بەشدار لە دەسەڵات، بۆتە جێگای مشتومڕ و ناکۆکی سیاسی و، تا رادەیەک ساردی خستۆتە نێو هێزە سەرەکیەکانی باشوری کوردستان. دیارە لەم ماوەدا زۆر کەسایەتی و لایەنی سیاسی هەوڵی سازانیان داوە و ئێستاش هەر بەردەوامن. ئێمە وەک حیزبێکی ڕۆژهەڵات سیاسەتمان ئەوە بووە کە خۆ لە کاروئەرکی ناوخۆیی هەرێم وەرنەدەین و هەر وەک پشتیوان هەڵسوکەوتمان کردوە.
بەڵام ئەم قەیرانە بۆ ئێمەش بۆتە مایەی نیگەرانی، چونکە هەموومان دەزانین کە: ئەم هەرێم و کیانە بۆ هەموو داگیرکەرانی کوردستان بۆتە ئامانج تا دژی بوەستنەوە و بە ئاشکرا یان لە ژێرەوە، بۆ تێکدانی یەکریزی و ئارامی و پێشوەچوونی، تێبکۆشن.  لە هەمان حاڵدا، سەرەڕای رەخنە و گازەندەی باقی هێزە کوردستانیەکان لە دەسەڵاتدارانی هەرێم، حاشای لێناکرێ ئەم هەرێمە کەم و زۆر بۆتە پاڵپشتی سیاسی و مەعنەوی و نمونەیەک لە حەق ئەستاندن بۆ هەموو بزوتنەوەی رزگاریخوازی کوردستان و خەڵکی ئەم دەڤەرە حەقیان بە سەر هەموو لایەنێکی سیاسی کوردستانەوە هەیە و هەموومان دەبێ ئەم دەسکەوتە بپارێزین.
بۆیە هەر جۆرە پێشهاتێک لە هەرێمی کوردستان بە چاک و خراپ، کار دەکاتە سەر هەموو بەشەکانی کوردستان. ئەم راستییە لە ئێمەش وەک لایەنێکی کوردی ڕۆژهەڵات کە بە دایم پاڵپشتی ئەم ئەزمونە بووین، دەخوازێ کە: دەنگمان بدەینە پاڵ دەنگی هەموو ئەوانەی کە هەلومەرجەکە زۆر بە هەستیار دەزانن و پێداگری لەسەر تەوافوق و سازانی ئیشتمانی سەبارەت بە کێشەکان دەکەن.
داوا لە هەموو هێزە سیاسیەکانی باشور، بە تایبەتی پێنج حیزبە دەسەڵاتدارەکە دەکەین کە لە پێناو بەرژەوەندیی و دەسکەوتەکانی خەڵکی کوردستانی باشور، لەبەر مەسڵەحەتی گشتیی بزاوتی کوردستانی لە هەموو پارچەکان سەرەڕای جیاوازیمان، بۆ خاتری پوچەڵ کردنەوەی خەونی دوژمنان و نەیارانی خەڵکی کوردستان، لە پێناو هەموو ئەوانەدا چاوپۆشی لە هەندێک بەرژەوەندی حیزبی و روانگەیی بکەن و ئەسڵی پێکەوەبوون و کارکردنی بە تەوافوق بکەنە بنەما و، دڵی هەموان شاد بکەن. ئەوە تەنیا رێگایەکە کە گشت لایەک لێی سودمەند دەبن و هەموو کوردستان پێی دڵخۆش دەبێ. هیچ لایەنێک زیانی لێ ناکات. پێچەوانەکەی هەموان تێیدا زەرەرمەند دەبن.

کۆمەڵەی زەحمەتکێشانی کوردستان
١٧. ٨. ٢٠١٥ زایینی یان ٢٦ گەلاوێژی ١٣٩٤ هەتاویی

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …