سێ شه‌ممه‌ 22 ئه‌یلول 2020
ماڵەوە / کوردستان / 4 هێكتار لە دارستانەكانی سەردەشت لە ئاگردا سووتان+ وێنە

4 هێكتار لە دارستانەكانی سەردەشت لە ئاگردا سووتان+ وێنە

4 هێكتار لە دارستان و باغەكانی دەوروبەری نیسك ئاوای سەردەشت دوانیوەڕۆی رۆژی شەممە 24ی مانگی گەلاوێژ لە ئاگردا سووتان.

بە پێی راپۆرتی هەواڵنێریی زریان، ئەو ئاگركەوتنەوەیە بە هۆی توندبوونی با خێرایەكی زۆری بەخۆیەوە بینیوە و بە یارمەتی خەڵكی ئاوایی نیسك ئاوا، ژمارەیەك لە چالاكانی ژینگە پارێز و ناردنی 2 ئۆتۆمبیلی ئاگركوژراندنەوە و پاش نزیكەی 2 كاتژمێر كوژراوەتەوە.

لەم رووداوەدا 2 هێكتار لە باغەكانی ترش (سماق) ترێ و هەرمێ خەڵكی ئاواییەكان و 2 هێكتار لە دارستانەكانی سەردەشت سووتاون.

هەروەها رێكەوتی 6ی مانگی گەلاوێژیش 5 هێكتاری دیكە لە دارستانەكانی سەردەشت لە ئاگردا سووتان.

شاری سەردەشت نزیكەی 80 هەزار هێكتار دارستانی هەیە كە بەشێكی بەرچاو لە پانتایی دارستانەكانی پارێزگای ورمێ لەخۆ دەگرێت.

بابەتی هاوپۆل

بریندار بوونی ٤ کۆڵبەر لە سنوورەکانی نەوسوود

سەر لە ئێوارەی دوێنێ دووشەممە ۳۱ی خەرمانان ۱۳۹۹، هێزەکانی رژیمی کۆماری ئێسلامی ئێران تەقەیان لە …