سێ شه‌ممه‌ 17 ته‌مموز 2018
ماڵەوە / کوردستان / دەستگیر كردن و گواستنەوەی 2 چالاكی كرێكاریی بۆ زیندانی سنە

دەستگیر كردن و گواستنەوەی 2 چالاكی كرێكاریی بۆ زیندانی سنە

رۆژی 25ی مانگی گەلاوێژ كاتژمێر 3 و 30 خولەكی پاش نیوەڕۆ “ئارام و فواد زەندی” 2 كەس لە چالاكانی كرێكاریی خەڵكی شارەی سنە، بە مەبەستی تێپەڕاندنی 4 مانگ حوكمی زیندان، دەستگیر و رەوانەی زیندانی ناوەندیی شاری سنە كران.

بە پێی راپۆرتی كۆمیتەی هاوئاهەنگی، ئەو 2 چالاكە كرێكارییە رێكەوتی 25ی مانگی خاكەلێوەی ئەمساڵ پاش هێرشی هێزەكانی كۆماری ئیسلامی بۆ سەر ماڵەكەیان دەستگیر و دوای 2 مانگ مانگ زیندان، بە دانانی بارمتەی 100 میلیۆن تمەنی ئازاد كران.

هەروەها لقی یەكی دادگای ئینقلابی سنە لە رێكەوتی 15ی پووشپەڕ ئارام و فواد زەندی بە 4 مانگ زیندانی تەعزیری مەحكوم كرد.

تۆمەتی ئەم 2 چالاكە كرێكارییە لە دادنامەكەیاندا، چالاكیە كرێكارییەكان، بەشداریی لە رێوڕەسمی رۆژی جیهانیی كرێكار، رۆژی ژن، بەشداریی لە گوڵكارییە كرێكارییەكان و پەیوەندیی لەگەڵ بنەماڵەی چالاكانی كرێكاریی زیندانی كراو، راگەیەندراوە.

بابەتی هاوپۆل

لە منداڵانی ناوچە بۆمەلەرزە لێدراوەکانی کرماشان وەکوو هێزی کار کەڵکیان لێوەردەگیرێت

پەیمانکارانی ناوچە بۆمەلەرزە لێدراوەکانی پارێزگای کرماشان بۆ دروست کردنی خانوبەرەکان، لە منداڵان وەکوو هێزی کار …