زاگرۆس پۆست
سەرۆكی ئیدارەی گشتیی سەرچاوە سروشتیەكانی لوڕستان وتی: ئەگەر دارستانەكان میللین، گەڵاڵەی پراستنی ئەو دارستانانەش دەبێ بە شێوەی میللی بەدواداچوونی بۆ بكرێت.
بە پێی راپۆرتی هەواڵنێریی حكومەتیی ئیسنا، “هوشەنگ محەمەدیان” لە كۆبوونەوەی كومیتەی میراتی فەرهەنگی و سەرچاوە سرووشتیەكانی ژووری خوڕەم ئاباد، بە هی پەرەسەندنی بەدواهاتەكانی وشكبوونی بەڕوو، گۆڕینی كەش و هەوا و چوونە سەرەوەی گەڕما، بووەتە هۆی ئەوەیكە جدارستانەكانی لوڕستان بە ئاستێكی زۆر لەنێو بچێت، ناوبراو ە درێژەدا وتی: بەداخەوە لە یەك میلیۆن و 217 هەزار هێكتار دارستان، نزیكەی نیوەیان تووشی كێشەی وشكەساڵی بون.
ناوبرو بە باس كردن لەوەیكە نزیكەی 22 هەزار هێكتار لەم رێژەیە تووشی وشكەساڵی سەرەوەی 75 تا 100% بووە، وتیشی: 23 هەزار هێكتار لەم درستانانە لە ئاستی 50 تا 70% وشك بوون و باقیەكەشی ە نێوان 25 تا 50% تووشی وشكەساڵی هاتوون.
ئەم كاربەدەستە ئاماژەی دایە ئەوەیكە: لە ساڵی رابردوو 3 میلیارد و 250 میلیۆن تمەن پارە پەسەند كرابوو كە لەم رێژەیە 23 تا 24% لەو پارەیە سەرفی بەرهەمهێنان و ناشتن و پاراستنی دارستانەكان كراوە.
محەمەدیا دەشڵێ: لە ساڵی رابردوو 400 هەزار نمام بەرهەم هێنراوە و بە پێی گرێبەستەكە لە بەرامبەر هەر نمامێكدا 1799 تمەن پارە دەدرێتە بەرهەمهێنەران. ناوبراو وتیشی: ئێستاە لە ئاستی ئێراندا بۆ پاراستنی دارستانەكان 10 هەزار هێز كەمی هیە كە تەنانەت بۆ دابین كردنی هەزار كەس لەم رێژەیەش هیچ گەشبینیەك بەدی ناكرێت.
