شه‌ممه‌ 20 كانونی دووه‌م 2018
ماڵەوە / کوردستان / كۆڵبەرێكی دیكە بە تەقەی هێزە چەكدارەكانی كۆماری ئیسلامی كوژرا

كۆڵبەرێكی دیكە بە تەقەی هێزە چەكدارەكانی كۆماری ئیسلامی كوژرا

كوشتنی كۆڵبەران لە لایەن هێزەكانی كۆماری ئیسلامی ئێرانەوە هەر بەردەوامە و لە نوێ ترین هەواڵ كۆڵبەرێكی دیكەی كوردی خەڵكی شاری سەردەشت لە ناوچە سنووریەكان لە ئەنجامی تەقەی راستەو خۆی گیانی لە دەست داوە.

بە پێی هەواڵی ماف نیوز، روژی پێنجشەممە 22ی مانگی گەلاوێژ، كۆڵبەڕیكی كوردی خەڵكی شاری سەردەشت  لە ناوچە سنوورییەكان، لەلایەن هێزە جێگیر كراوانی  سپای پاسدارانەوە تەقەی لێكراوە و لە ئاكامدا گیانی لەدەست داوە، ئەو كۆڵبەرە ناوی “مەجید” تەمەن 28 ساڵ و كوڕی “عەبدوڵڵا” و ژن و منداڵی هەبووە.

مەجید لە ناوچە سنوورییەكانی سەردەشت لەلایەن هێزەكانی سەر بە سپای پاسدارانەوە دراوەتە بەر دەستڕێژی گوللە ، ئەمە لە كاتێكدایە كە هاوڕێیەكانی دەڵێن بە بێ ئاگاداری پێشووتر لە لایەن هێزەكانەوە تەقەیان لێ كراوە.

جێگەی وەبیرهێنانەوەیە، كە ناوچە سنوورییەكان “قاسمەڕەش” لە سەردەشت لەو شوێنانەیە كە زۆرترین حاڵەتی كوشتنی كۆڵبەران تێیدا ڕوو دەدات، ساڵانە ژمارەیەكی بەرچاو لە كۆڵبەران و كاسبكارانی كورد تەنیا لە بەر دابین كردنی بژێوی ژیانی خۆیان و بنەماڵەكانیان روو دەكەنە پیشەی پر مەترسی كاسبی لە سەر سنوورەكان بەو بۆنەوە بەرەوڕووی خەساری ماڵی و گیانی دەبنەوە.

بابەتی هاوپۆل

یەكێك لەگیراوەكانی خۆپیشاندانەكان لە ژێر ئەشكەنجەدا گیانی لەدەستدا

لاوێكی 23ساڵەی تارانی كە لەخۆپیشاندانەكانی چەند رۆژی رابردوو دەستگیركرابوو لە زیندانی ئێڤین لە ژێر ئەشكەنجە …