پێنج شه‌ممه‌ 23 تشرینی دووه‌م 2017
ماڵەوە / کوردستان / ژنێك لە شاری بانە بووە قوربانیی تێزاب پرژاندن

ژنێك لە شاری بانە بووە قوربانیی تێزاب پرژاندن

ژنە كوردێكی دیكە ئەمجارە لە شاری بانە بەرەوڕووی دیاردەی تێزاب پرژاندن بوویەوە.

بە پێی هەواڵی گەیشتوو بە “زاگرۆس پۆست”، رۆژی سێشەممە 20ی مانگی گەلاوێژ، ژنێكی خەڵكی شاری بانە بە ناوی”ئەفسانە قادری” تەمەن 37 ساڵ لە شەقامی كەمەربەندی هێرشی كرایە سەر و تیزابیان پێدا پژاندووە و جەستەی بریندار بوو و ئێستا لە نەخۆشخانەی شاری سنە لە ژێر چاودێریی پزیشكی دایە.

دەوترێ “ئەفسانە قادری” دووكاندا بووە و لە ئاستی شاری بانە كەسێكی ناسراو بووە. هۆكاری ئەم رووداوەش كێشەی بنەماڵەیی راگەیەندراوە.

جێگای وەبیرهێنانەوەیە، رێكەوتی 23ی مانگی پووشپەڕی ئەمساڵ لەشاری بۆكان   7 كچ و ژنی كورد لە سێ رێیانی سەنگینی بۆكان تێزابیان پێدا كرا و بەرەوڕووی خەساری گیانی بوونەوە.

هەر بەم بۆنەوە چەند رۆژ دواتر خۆپیشاندانێكی مەدەنی لە شاری بۆكان سازدرا و رێكخراوە و چالاكانی بواری مافی مرۆڤ و بەتایبەت مافی ژنان ناڕەزایی خۆیان بەرامبەر بەم دیاردە دژە مرۆییە دەربڕی.

بابەتی هاوپۆل

سنە.. ناردنی ٢٠٠ کانێکس بۆ بوومەلەرزە لێدراوان

لە لایەن رێکخراوی نیزامی موھەندسی پارێزگای سنە، ژمارەیەکی بەرچاو کانێکس پێشکەشی خەڵکی بوومەلەرزە لێدراوی پارێزگای …