یه‌ك شه‌ممه‌ 21 كانونی دووه‌م 2018
ماڵەوە / ئێران / نزیکەی هەزار مامۆستا لە زیندانەكانی ئێراندان

نزیکەی هەزار مامۆستا لە زیندانەكانی ئێراندان

نزیکەی لە هەزار مامۆستای قوتابخانەو خویندنگەكان لە ئێران بەهۆكاری جۆراوجۆر بەندكراون.

“مستەفا ناسریی زەنجانی” جێگری حقوقی‌و كاروباری مەجلیسی ئێران لە وەزارەتی پەروەردەو فێركردن لە وەڵامی ئەو پرسیارەدا كە چەند مامۆستای قوتابخانەكان لە زیندان‌ دان‌و وەزارەت چۆنیان هاوكاری دەكات، پشتڕاستی كردۆتەوە كە نزیکەی لە 1000 مامۆستای قوتابخانەكانی ئێران لە زیندان‌ دان‌و ئەوەش كە وەزارەت چۆنیان هاوكاری دەكا ئەوە پێوەندی بە پەروەندەی ئەو كەسانەوەیە.

ئەو دەڵێ وەزارەتی پەروەردەو فێركردن جیا لە بابەتە ئیدارییەكان هیچ ئەركێكی دیكەی لە پێوەندی لەگەڵ ئەو مامۆستا بەندكراوانەدا نییە.

جێگری حقوقی‌و كاروباری مەجلیس لە وەزارەتی پەروەردەو فێركردن بە ئاماژە بەوەی ڕێكخراوی زیندانەكانی وڵات ئاماری هەزار مامۆستای زیندانییان بە وەزارەت داوە، دەڵێ زۆر لەوان بەهۆی قەرزداری، وەرشكەستە بوون، كێشە كۆمەڵایەتی‌و خێزانییەكان كەوتوونەتە بەندیخانەوە.

ئامارەكان دەڵێن لە ساڵدا 5 هەزار زیندانی بە ژمارەی زیندانیانی ئێرانی زیاد دەبێ‌و لە ئێستادا 250 هەزار كەس لە زیندان دان‌و تێچووی ڕۆژانەی ڕاگرتنی هەر زیندانییەك 5 هەزار تمەنە.
شایانی‌ باسە، كە ژمارەی‌ زیندانیان لە دەیەی‌ 50 نزیك بە 10 هەزار كەس بووە بەڵام بە پێی‌ ئامارەكانی ئێستای دەوڵەت، ئەگەرچی حەشیمەتی ئێران لە چاو ئەو كات دوو بەرابەر زیادی كردوە، بەڵام بە بوونی 350 هەزار كەس لە زیندان ژمارەی زینداییەكان 25 ئەوەندە چۆتە سەرێ.

بابەتی هاوپۆل

یەكێك لەگیراوەكانی خۆپیشاندانەكان لە ژێر ئەشكەنجەدا گیانی لەدەستدا

لاوێكی 23ساڵەی تارانی كە لەخۆپیشاندانەكانی چەند رۆژی رابردوو دەستگیركرابوو لە زیندانی ئێڤین لە ژێر ئەشكەنجە …