چوار شه‌ممه‌ 17 تشرینی یه‌كه‌م 2018
ماڵەوە / کوردستان / تەقینەوەی مین لە سەوڵاوا قوربانیی بوونی 2 مێرمنداڵی لێكەوتەوە

تەقینەوەی مین لە سەوڵاوا قوربانیی بوونی 2 مێرمنداڵی لێكەوتەوە

بە هۆی تەقینەوەی مین لە نزیك ئاوایی “لەنگرێز” سەر بە شاری سەوڵاوا كوڕە مێرمنداڵێكی 13 ساڵە گیانی لەدەستدا و كوڕێكی 12 ساڵەش بریندار بوو.

بە پێی راپۆرتی سەرچاوە هەواڵنێرییە حكومەتییەكان، كاژمێر 6ی ئێوارەی رۆژی رابردوو 12ی مانگی گەڵاوێژ لە پاسگایەكی كۆنی سەردەمی شەڕی ئێران و عێراق لە ئاوایی لەنگریزی سەوڵاوا بە هۆی تەقینەوەی مین 2 مێرمنداڵ كوژران و بریندار بوون.

ئەو 2 مێرمنداڵە خەڵكی ئاوایی “بێساران” بوون بە مەبەستی لەوەڕاندنی مەڕ و ماڵاتەكەیان سەردانی ئەو شوێنەیان كردبوو و دەوترێ مێرمنداڵە بریندارەكەش دۆخی تەندروستی ناجێگیرە و ئەگەری زیندوو مانەوەی زۆر كەمە.

چەند رۆژ لەمەوبەریش پیاوێك بە ناوی “پشتیوان ڕەمەزان” تەمەن 53 ساڵ و خەڵكی شاری دهۆك كە شۆفێری تەنكەری گواستنەوەی سووتەمەنی بووە، لە ناوچە سنوورییەكانی مەریوان گیانی لەدەست دا.

ئەو هاووڵاتییە كوردە تەنكەری سووتەمەنی پێ بووە و بەهۆی تێكچوونی تانكرەكەی ویستوویەتی بە ناوچە سنوورییەكاندا بگەڕێتەوە باشووری كوردستان، تووشی ئەو ڕووداوە بووە.

شایانی باسە، ئێستاكە زیاتر لە 20 میلیۆن مینی چێنراو لە 5 پارێزگای ورمێ، سنە، كرماشان، ئیلام و خوزستان بوونی هەیە كە لە سەردەمی شەڕی نێوان ئێران و عێراق لە لایەن كۆماری ئیسلامی ئێرانەوە چێنراوە و ساڵانە بە دەیان قوربانیی لێدەكەوێتەوە.

بابەتی هاوپۆل

پەیامی ناوەندی هاوکاریی حیزبەکانی کوردستان لە سەر مانگرتنی مامۆستایان

راگەیندراوی ناوەندی هاوکاریی حیزبەکانی کوردستانی ئێران سەبارەت بە مانگرتنی گشتی مامۆستایانی قۆتابخانەکان.