پێنج شه‌ممه‌ 23 تشرینی دووه‌م 2017
ماڵەوە / کوردستان / كۆڵبەرێكی دیكە بە تەقەی هێزەكانی كۆماری ئیسلامی گیانی لەدەستدا

كۆڵبەرێكی دیكە بە تەقەی هێزەكانی كۆماری ئیسلامی گیانی لەدەستدا

بە هۆی تەقەی هێزە چەكدارەكانی كۆماری ئیسلامی كاسبكارێكی دیكەی كورد لە سەر سنوورەكان گیانی لەدەستدا.

بە پێی راپۆرتی سەرچاوەكانی هەواڵ، بە هۆی تەقەی هێزە چەكدارەكانی كۆماری ئیسلامی شەوی یەكشەممە 11ی مانگی گەلاوێژ كۆڵبەرێكی خەڵكی شاری مەریوان بە ناوی “بەهمەن فەتحوڵڵاهی” كوڕی مەجید و 40 ساڵ تەمەن كە هاوسەر و 2 منداڵی هەیە لە ناوچەی شلێر گیانی لەدەست داوە.

“بەهمەن فەتحوڵڵاهی” ساڵی رابردووش جارێكی دیكە بەهۆی بەركەوتنی گوللەی هێزەكانی ئێران بریندار كرابوو.

لە ماوەی رۆژانی رابردووشدا كاروانێك لە كۆڵبەران ‌و كاسبكارانی كورد لە ناوچە سنوورییەكانی شاری شنۆ كەوتوونە بۆسەی هێزە چەكدارەكانی كۆماری ئیسلامی ئێران و لە ئاكامدا دراونەتە بەر دەستڕێژی گوللە.

لەو هێرشەدا 3 كەس لە كاسبكاران خەڵكی “سینگان”ی شنۆ برینداربوون ‌و پاش زەوت كرانی بارەكەیان لە لایەن هێزە چەكدارەكانەوە، 100 سەر لە ئاژەڵە بارهەڵگرەكانی كاسبكارانیش بە گوللەی هێزە چەكدارەكانی ئێران كوژراون.

شایانی باسە، بە شێوەی رۆژانە بەردەوام، كاسبكاران و كۆڵبەرانی كورد كە بە مەبەستی وەدەستهێنانی بژیوی ژیانی خۆیان و بنەماڵەكانیان روو دەكەنە پیشەی پڕ مەترسی كاسبی لەسەر سنووەرەكان، لە لایەن هێزە چەكدارەكانی كۆماری ئیسلامی ئێرانەوە هێرش دەكرێتە سەریان و بەرەوڕووی خەساری گیانی و ماڵی دەبنەوە.

بابەتی هاوپۆل

سنە.. ناردنی ٢٠٠ کانێکس بۆ بوومەلەرزە لێدراوان

لە لایەن رێکخراوی نیزامی موھەندسی پارێزگای سنە، ژمارەیەکی بەرچاو کانێکس پێشکەشی خەڵکی بوومەلەرزە لێدراوی پارێزگای …