زاگرۆس پۆست
عەلی ئەكبەر ویلایەتی، راوێژكاری خامەنەیی بۆ كاروباری نێودەوڵەتی لە لێدوانێك رایگەیاند “ئێران رێگە نادات ناوەندە سەربازییەكانی لەلایەن نەتەوە یەكگرتووەكانەوە پشكنینی بۆ بكرێت”.
ویلایەتی لەلێدوانێك بۆ كەناڵی ئەلجەزیرە وتی: سەردانكردنی پشكێنەرانی رێكخراوی وەزی ئەتۆمی یان پشكێنەرانی هەر دامەزراوەیەكی دیكە بۆ ناوەندە سەربازییەكانی ئێران قەدەغەیە‌و ئەمەش قسەی كۆتایی كۆماری ئیسلامی ئێرانە”.
پێش لە رێكەوتنی ڤیەن، عەلی خامەنەیی رابەری كۆماری ئیسلامی چەندین جار جەختی لەوەكردبووە كە رێگەی بە پشكنینی ناوەندە سەربازییەكان‌و چاوپێكەوتن لەگەڵ زانا ئەتۆمییەكانی ئێران نادات‌و ئەوەشی بە هێڵی سور ناولێبردبوو.
