شه‌ممه‌ 23 ئه‌یلول 2017
ماڵەوە / سیاسی / كۆمەڵە تەقینەوەكەی شاری پرسوس مەحكوم دەكات

كۆمەڵە تەقینەوەكەی شاری پرسوس مەحكوم دەكات

كۆمەڵەی زەحمەتكێشانی كوردستان لە راگەیەنراوێكدا تەقینەوەكەی شاری پرسوس مەحكوم دەكات‌و دەوڵەتی توركیا لە پاراستنی گیانی خەڵكی كوردی باكور بە بەرپرسیار دەزانێت.

لە راگەیەنراوەكەی كۆمەڵەدا كە وێنەیەكی بۆ زاگرۆسپۆست نێردراوە هاتووە: هەوڵی تیرۆریستان لەكاتێكدایە كە گەلی كورد رۆژانە شاهیدی سەركەوتنی هێزەكانی پێشمەرگە‌و شەڕڤانان لە باشور‌و رۆژئاوای كوردستانن بەسەر تیرۆریستانی داعشدا، هەروەها سەركەوتنی كورد لە هەڵبژاردنە پەرلەمانییەكەی باكوری كوردستان بووەتە هۆی ئەوەی دوژمنانی كورد چاویان بەو سەركەوتنانە هەڵنەیت‌و بە ئەنجامدانی كردوەی تیرۆریستی وەك كردەوە تیرۆریستییەكەی پرسوس زیان بە ئەزمون‌و سەركەوتنەكانی كورد بگەیەنن.

دەقی راگەیەنراوەكەی كۆمەڵە:

كردەوە تیرۆریستیەكەی شاری پرسوس لە باكوری كوردستان مەحكوم دەكەین
دوێنی دووشەممە 20ی جولای تیرۆریستان لە تەقینەوەیەكدا لە شاری پرسوس لە باكوری كوردستان ژمارەیەك لاوی سوسیالیست‌و ئازادیخوازی كوردیان شەهید‌و بریندار كرد.
هەوڵی تیرۆریستان لەكاتێكدایە كە گەلی كورد رۆژانە شاهیدی سەركەوتنی هێزەكانی پێشمەرگە‌و شەڕڤانان لە باشور‌و رۆژئاوای كوردستانن بەسەر تیرۆریستانی داعشدا، هەروەها سەركەوتنی كورد لە هەڵبژاردنە پەرلەمانییەكەی باكوری كوردستان بووەتە هۆی ئەوەی دوژمنانی كورد چاویان بەو سەركەوتنانە هەڵنەیت‌و بە ئەنجامدانی كردوەی تیرۆریستی وەك كردەوە تیرۆریستییەكەی پرسوس زیان بە ئەزمون‌و سەركەوتنەكانی كورد بگەیەنن.
ئێمە تەقینەوەكەی شاری پرسوس مەحكوم دەكەین. ئەمەش یەكەمجار نیە هەوڵی تیرۆریستی دژ بە خەڵكی كورد لەباكوری كوردستان ئەنجام نەدرێت بۆیە ئێمە دەوڵەتی توركیا بە بەرپرسیار دەزانین لە پاراستنی ماڵ‌و ژیانی خەڵكی باكوری كوردستان‌و داواكاریشین دەوڵەت‌و دەزگا ئەمنییەكانی توركیا بۆ دۆزینەوە‌و دەستگیركردنی تاوانبارانی تەقینەوەكە هەوڵەكانی خۆیان بخەنەگەڕ.
هەروەها سەرەخۆشی خۆمان ئاراستەی بنەماڵەی گیانبەختكردوانی ئەو رووداوە دڵتەزێنە دەكەین‌و هیوای زوو چاكبوونەوە بۆ بریندارانی تەقینەوەكە دەخوازین.
كۆمەڵەی زەحمەتكێشانی كوردستان
21ی جولای 2015 – 30ی پوشپەڕی 1394

بابەتی هاوپۆل

ئێران: 8 سەربازی کورد لە ماوەی دوو مانگدا کوژراون

سەربازێکی کورد بە ناوی “تەوحید شەهلایی” خەڵکی شاری کامیاران بە شێوەیەکی گوماناوی کوژرا.