زاگرۆس پۆست
700 رۆژنامەنووس لە كاتی ئەنجامدانی كارەكانیاندا لەم 10 ساڵەی دواییدا كوژراون.
رێكخراوی پەروەردەو زانست و رۆشنبیری نەتەوە یەكگرتووەكان (یونسكۆ) ، لە رۆژی كۆتاییهێنان بەدەربازبوونی ئەو تاوانبارانەی دەستدرێژی دەكەنە سەر رۆژنامەنووسان كە دەكاتە ئەمڕۆ 11ی مانگی خەزەڵوەر، رایگەیاند: لەو تاوانانەی بەرامبەر رۆژنامەنووسان دەكرێت لە 90% ی تاوانبارەكان بەهۆی نەبوونی بەڵگەی پێویست و نەبوونی ئیرادەی سیاسیەوە رزگار دەبن و دادگایی ناكرێن.
رێكخراوەكە سەرنجی رای گشتی جیهان رادەكێشێت بۆ ئەو بارودۆخە نا تەندروستەی رۆژنامەنووسان كارەكەیانی تیا ئەنجام دەدەن، بەتایبەتی لەو وڵاتانەی شەڕ و توندوتیژیان تیایە.
شایانی باسە، بە بۆنەوە ئەمڕۆ لە سەرانسەر جیهان، كۆڕ و كۆبوونەوەی جۆراوجۆر بەڕێوەدەچێت و رۆژنامەنووسان خەڵات وەردەگرن و دامەزراوەی میدیاییش ساز دەكرێت و كاری رۆژنامەگەریی وەك هەڵێكی بەنرخ رێزی لێ دەگیردرێت.
