زاگرۆس پۆست
ئۆپۆزیسیۆنی سوریە، لە بەیاننامەیەكدا ئاشكرایان كردووە: فەرماندەیی ناوەندیی هێزەكانی ئەمریكا، بۆ پتەوكردن و پاراستنی یەكێتی و یەكڕیزیی نێوان ئۆپۆزسیۆنی چەكداری سوریە، پرۆژەیەكی بە مەبەستی دامەزراندنی پێكهاتەیەكی سەربازیی بەهێز و پتەو، پێشكەش كردون.
لە پرۆژەكەدا كە ئۆپۆیسیۆن بە هەنگاوێكی پۆزۆتیڤ و گرنگی وەسف دەكات، ئەنجومەنێكی باڵای سەربازی لە سەرجەم پارتەكانی ئۆپۆزۆسیۆنی سوریە پێكدەهێنرێت‌و لەگەڵ پێكهێنانی ئەو ئەنجومەنە سەربازییە هاوبەشەشدا، ئەمریكا و هاوپەیمانەكانی، دەست دەكەن بە ڕەوانەكردنی چەك و تەقەمەنی و پرۆسەی ڕاهێنانی ئەو سپا نوێیە.
لەوبارەیەوە، ژەنەراڵ لوید ئۆستن فەرماندەی فەرماندەیی ناوەندیی هێزەكانی ئەمریكا ڕایگەیاند: ئۆپۆزسیۆنی سیاسی و سەربازیی سوریە، بۆ رووبەڕووبوونەوەی رژێمەكەی ئەسەد و مسۆگەر بوونی سەركەوتنیان لەو جەنگەدا، پێویستیان بە پێكهاتەییەكی نوێی سەربازیی هەیە.
ئەمەش لەحاڵێكدایە كە، ماوەیەك پێش ئێستا راپۆرتێك سەبارەت بەوەیكە ساڵانە دەزگای هەواڵگری و زانیاریی ئەمریكا (سیا) لە ماوەی دەیان ساڵ لە دامەزراندنی خۆی ساڵانە 5 هەزار چەكداری لە جیهاندا راهێناوە كە زۆربەی ئەو چەكدارانە بە گرووپە توندڕەوە تێرۆریستەكانەوە پەیوەست بوون.
