زاگرۆس پۆست
كچە گۆرانیبێژی رۆژئاوای كوردستان هۆزان ئالین، نوێترین كلیپی بەناوی بولبولی دڵشاد بڵاودەكاتەوە كە باس لە دوژمنانی كورد دەكات.
دەربارەی ئەم كلیپە ئالین بە رووداوی راگەیاندووە، كە”ئەم كلیپەم پێشكەشە بە خەڵكی كوردستان، بەتایبەتی شنگال و كۆبانێ دەكەم، هەروەها لە رێگای ئەم كلیپەشەوە پەیامێك بۆ هەموو جیهان دەنێرم، كە هاوكاری و پاڵپشتیان بۆ كورد بكەنە كردار”.
ئالین راشیگەیاندووە كە،” داوا لە گشت لایەنە سیاسییەكانی كورد دەكەم، لەم بارودۆخە دژوارەدا بە یەك دەست و یەك دڵ دژی دوژمنانی كورد بووەستنەوە و كۆبانێ و شنگال رزگاربكەن”.
ئەم گۆرانییە لە تێكست و ئاوازی تیرێژەو لە دەرهێنانی شۆڕشڤان “سدیق شەڕۆ”یە.
