زاگرۆس پۆست
توێژینه‌وه‌یه‌كی زانستی له توركیا گه‌یشته ئه‌و ده‌ره‌نجامه‌ی، برێكی زۆر له مادده‌ی یۆرانیۆم له ده‌ریاچه‌ی واندا هه‌یه كه ده‌توانرێت له‌داهاتوودا سودێكی زۆر به پیشه‌سازی توركیا بگه‌یه‌نێت.
د. محەمەد یەمەن، مامۆستای بەشی کیمیا لە کولێژی زانستی زانکۆی فورات لە شاری عەزیزی توركیا، به ئاژانسی هه‌واڵی ئه‌نادۆڵی راگه‌یاند، “ماوه‌ی سێ ساڵه دەستیانکردووه بە توێژینه‌وه‌ی زانستی لەسه‌ر پێكهاته‌كانی دەریاچەی وان.”
وتیشی: “گەیشتووینەتە ئەو ئەنجامەی کە لە دەریاچەکەدا یۆرانیۆمێکی زۆر ھەیە كه سوودێکی زۆری بۆ بواری پیشەسازیی ده‌بێت له‌ناوچه‌كه دا.”
به‌وته‌ی مامۆستا محەمەد، “گەر بەباشی کەڵک لەو بڕە یۆرانیۆمە وەربگیرێت كه لە ئاوی دەریاچەی واندا ھەیە، ئەوا تورکیا لە بواری پیشەسازییدا پێشدەکەوێت”.
یۆرانیۆم یه‌كێكه له‌و پێكهاته تیشكده‌ره‌وانه‌ی له‌بورای زۆرێك له‌به‌رهه‌مه پیشه‌سازییه‌كانی وه‌ك وزه‌ی كاره‌با‌و ئه‌تۆم به‌كار ده‌هێنرێت‌و به قورسترین كانزای سروشتی هه‌ژمار ده‌كرێت.
