زاگرۆس پۆست
لێکۆڵەرو نوسەر مەریوانی وریا قانع دەڵێت” بێدوودڵی یەکێک لە ناشیرینترین و ستەمگەرترین دەسەڵاتەکانی دونیا، ڕژێمی جمھوریی ئیسلامیی ئێرانە”.
ناوبراو لەپەیجی تایبەتی خۆی نووسیویەتی” کەم ڕژێم ھەیە وەک ڕژێمی ئایەتوڵاکانی ئێران نرخی مرۆڤ و نرخی مێشوولەیەکیان لا وەک یەک بێت. بەو ئاسانییەی مێشومەگەز و مێرووەکان دەکوژن، بەھەمان ئاسانیش مرۆڤەکان بکوژن”.
قانع دەڵێت” لەدونیای ئەمڕۆدا کەم شوێن ھەیە بە وێنەی ئێرانی ویلایەتی فەقیە مرۆڤ تیایدا بێ مافو بێ بەھا و بێپەناگا بێت. لەسێدارەدانی ئەو ھەموو تێکۆشەرانە چەند حیکایەتی ئیرادەی بەرگرییکردن لای مرۆڤە شەریفەکانی ئەو وڵاتە نیشانئەدات، ئەوەندەش ڕووە بەربەرییەکەی ئەم ئەزموونە دڕندەیەی چل ساڵی ڕابردوو بەرجەستەدەکات”.
ئەو ئاماژە بۆ ئەوە دەکات کە گوناھە میلەتێک خاوەنی فیردەوسی و حافیز و سەعدی بێت، ژینگەی سوفییە گەورەکانی مێژو و شاعیرە ناسکەکانی سەدەی بیستەم بێت، خاوەنی ئەو سیاسییە دڕندانە و ئەو پیاوە دینییە بێمێشک و ئەو جەلادە بێوژدانانەبێت.
مەریوان وریا قانع
