ئاماری خۆكوژی لە پارێزگای كوردستان بەرزترین پلەی هەیە

بە پێی ئامارێكی بڵاوكراوەی زانكۆی زانستی پزیشكی كوردستان، لە كۆی 1 ملیۆن‌و 500 هەزار كەس كە سەردانی ئۆرژانسی نەخۆشخانەكانی پارێزگای كوردستانیان كردووە، لانیكەم 2/9 لەسەدیان تایبەتە بە خۆكوژیی.

ئەم ئامارە نیشانیدەدات كە ئەم رێژە لە خۆكوژیی كەسەكان لە پارێزگای كوردستان لە لە بەراورد لەگەڵ پێوەرەكانی سەرجەم وڵات 3 ئەوندە زیاترە.

خۆكوژیی دیاردەیەكی كۆمەڵایەتیە‌و لە هەموو وڵاتان‌و كۆمەڵگاكان بە شێوەیەك خۆی نیشاندەدات‌و بەشێكی هەرە زۆری بەستراوەتەوە بە چۆنیەتی دۆخی ژیان‌و هەر ئەمەش وایكردووە كە هاوڵاتیان لە پارێزگای رۆژهەڵاتی كوردستان بە هۆی دەستە‌و یەخەبوونیان لەگەڵ ئەو هەموو گرفتانەی رۆژانە لەبەردەمیاندایە دەست بدەنە خۆكوژیی‌و ئەم رێژەش هەر لە بەرزبوونەوەدایە.