شه‌وی ‘عه‌باس که‌مه‌ندی’ به‌ڕێوه‌ناچێت

بڕیار بوو ئێواره‌ی پێنجشه‌مه‌ی داهاتوو کۆڕیادێک ب هونه‌رمه‌ندی کۆچکردوو ‘عه‌باس که‌مه‌ندی’ به‌ڕێوه‌ بچێت که به هۆی نه‌دانی مۆڵه‌ت دواخرا.

به پێی ئاگادارییه‌کی پێشووتر بڕیار بوو کاتژمێر 8ی ئێواره‌ی پێنجشه‌مه‌ی داهاتوو بۆ 10ی شه‌و له سینه‌ما به‌همه‌ن‌ له سنه کۆڕیادێک بۆ رێزگرتن له که‌سایه‌تی‌و به‌رهه‌مه‌کانی عه‌باس که‌مه‌ندی به‌ڕێوه‌ بچێت که به هۆی نه‌دانی مۆڵه‌تی کۆڕه‌که دواخرا.

به گوێره‌ی هه‌واڵی گه‌یشتوو به زاگرۆس پۆست بڕیار بووه هونه‌رمه‌ندانی ناسراوی شاری سنه به‌شداری کۆڕه‌که بن‌و باس له کاریگه‌ری‌و شوێنده‌ستی که‌مه‌ندی بکه‌ن به‌سه‌ر هونه‌رو گه‌شه‌ی مۆسیقای کوردییه‌وه که به هۆی نه‌دانی مۆڵه‌ی بۆ کاتێکی نادیار دواخرا.