نەبوونی شوێنێكی شیاو بۆ یاری منداڵانی شنۆیی

تاقە شوێنێكە وەك یاریگای منداڵان لە شاری شنۆ كەڵكی لێوەردەگیردرێت نە خاوەنی ئیمكاناتی شیاوە‌و نە شوێنێكە بۆ ئەوەی منداڵان بتوانن بە دڵێكی خۆشەوە تێیدا یاری بكەن.

لەوانەیە نەبوونی یاریگایەك بۆ منداڵان لە شنۆ ناڕەزایەتی دایكان‌و باوكانی لێنەكەوتبێتەوە بەڵام هەندێك لە چالاكانی مەدەنی ئەو شارە باس لەوەدەكەن بەرپرسانی شارەكە هیچ سەرنجێكیان نەداوەتەدابینكردنی یاریگایەكی منداڵان‌و بەردەوام خەریكی پڕكردنی گیرفانی خۆیانن.

ئەوەی لە وێنەكاندا دەبینرێت تاقە یاریگای منداڵانی شاری شنۆیە كە بە بێ هیچ ئیمكانات‌و پێداویستیەكی ئەوتۆ لە دۆخێكی وەهادا كەمترخەمی بەرانبەر دەكرێت‌و بە وتەی چالاكانی مەدەنی، بە هۆی نەبوونی كەرەسەی تایبەت بە یاریكردنی منداڵان، دایك‌وباوكان كەمتر منداڵەكانیان بەرەو ئەو یاریگایە دەبەن.