زاگرۆس پۆست
بە بۆنەی ساڵوەگەڕی بۆردومانی كیمیایی شاری سەردەشت كۆمەڵێكی بەرچاو لە شاخەوانانی ئەو شارە بە مەبەستی رێزلێنان لە قوربانیانی ئەو كارەساتە رێورەسمێكیان بەڕێوەبرد.
لەم رێورەسمەدا كە بەرزاییەكانی چیاكانی سەر گۆمێ بەڕێوەچوو شاخەوانەكانی بە هەڵدانی چادر لەو شوێنە ئامادە بوون بەڵام دوابەدوای ئەوە هێزێك لە سپای پاسداران‌و ئیدارەی ئیتلاعات بە خێرایی خۆیان گەیاندە ئەو شوێنە‌و كۆنتڕۆڵێكی توندی ئەمنیەتیان بەسەر ئەو شوێنەدا پێكهێنا.
شاخەوانانی بەشدار لە كۆبوونەوەی تایبەت بە رێزلێنان لە قوربانیانی كیمیایی سەردەشت پاش دەربڕینی نیگەرانی خۆیان ئاماژەیان بەوەدا ئێمە لێرە تەنیا بە مەبەستی وەبیرهێنانەوەی ساڵیادی كیمیابارانی سەردەشت لێرە كۆبووینەتەوە‌و پێكهێنانی ئەم كەشە ئەمنیەتیەش بە پێویست نازانین.
