هەڵسوڕاوێكی سیاسی كورد لەشاری سنە دەستگیر كرا

فایەق تاشان، وەرزشكار‌و چالاكی سیاسی كە ساڵی رابردوو بە كەفالەتی 200 ملیۆن تمەن ئازادكرابوو و حوكمی یەكساڵ زیندانی بە سەردا سەپابوو، لەماڵەكەی خۆی دەستگیر‌و راپێچی زیندان كرا.
بەپێی ئەو هەواڵەی بە زاگرۆس پۆست گەیشتووە، دوێنێ شەممە 20ی گوڵانی 1393، هێزەكانی ئیئتلاعاتی شاری سنە بە مەبەستی دەستگیركردنی فایەق تاشان، گەمارۆی ماڵی ئەم چالاكییە سیاسییە لە گەڕەكی حاجی ئاوا دەدەن‌و پاش گرتنەبەری رێوشوێنێكی توندی ئەمنی ناوبراو دەستگیر‌و راپێچی زیندانی ناوەندی شاری سنەی دەكەن.
فایەق تاشان، ساڵی رابردوو بە تۆمەتی لایەنگری لەیەكێك لە حیزبە كوردییەكانی نەیاری رژیمی ئێران‌و پرۆپاگەندە دژی رژیم بە ساڵێك زیندان مەحكوم كرابوو كە بە كەفالەتی 200 ملیۆن تمەن ئازاد كرا.