پێنج شه‌ممه‌ 9 شوبات 2023

قه‌یرانی کوشتن له کۆمه‌ڵگای کوردی به‌رده‌وامه

کوشتنی کچێک به ده‌ستی باوکی به ده‌یان فیشه‌کی کڵاشینکۆف له هه‌ولێر، کوژرانی گوماناوی لاوێک له کۆیه‌و دۆزینه‌وه‌ی ته‌رمی دوو ژن له سه‌یدسادق له یه‌ک رۆژدا ئاماژه‌‌ی په‌ره‌سه‌ندنی توندوتیژییه، سه‌ره‌‌ڕای هه‌وڵه‌کانی رێکخراوه‌کانی کۆمه‌ڵگای مه‌ده‌نی له کۆمه‌ڵگای کوردیدا.ئه‌مڕۆ پێنجشه‌مه هه‌واڵنێرییه‌کانی باشووری کوردستان هه‌واڵی زنجیره‌یه‌ک تاوانی کۆمه‌ڵایه‌تییان بڵاو کرده‌وه‌ که له چاو حه‌فته‌کانی رابردوودا گه‌شه‌یه‌کی به‌رچاوی به‌خۆوه بینیوه.

له شه‌پۆلێک تاوانی کۆمه‌ڵایه‌تیدا چه‌ند لاوی باشووری کوردستان بوونه‌ته قوربانی توندوتیژیی کۆمه‌ڵایه‌تی. به گوێره‌ی هه‌واڵه‌کان هه‌ردوو قوربانیی سه‌یدسادق دوو خوشکی لاون که له چه‌می چه‌قانی ئه‌و ناوچه‌یه دۆزراونه‌ته‌وه‌و ئێواره‌ی ئه‌مڕۆ پێنجشه‌مه ره‌وانه‌ی سلێمانی کراون.

له رووداوێکی هاوچه‌شن‌و له هه‌ولێر، ماڵپه‌ڕی خه‌ندان بڵاوی کرده‌وه‌ باوکێک به 15گوله، له ناو خه‌ودا کچه‌که‌ی خۆی کوشتووه‌و به‌ره‌و شوێنێکی نادیار هه‌ڵهاتووه.

دیارده‌ی په‌ره‌سه‌ندنی توندوتیژی له کۆمه‌ڵگای کوردی به گشتی‌و دژ به ژنان به تایبه‌‌تی له کاتێکدا له حاڵی په‌ره‌سه‌ندندایه که 8ی مارس رۆژی جیهانیی ژن نزیکه‌و ساڵانه به‌و بۆنه‌وه رێوڕه‌سم‌و چالاکی فره‌‌چه‌شن به‌ڕێوه‌ده‌چێت.

وێنه: هاوڵاتی.

بابەتی هاوپۆل

«خدیجە مھدی پور» بە ٢٠ ماە حبس تعزیری محکوم شد

«خدیجە مھدی پور» بە ٢٠ ماە حبس تعزیری محکوم شد برپایەی گزارشھا؛ فعال زن کرد …

وەڵامێک بنووسە

پۆستی ئەلکترۆنیکەت بڵاو ناکرێتەوە .

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.