عوسمان ئۆجەلان: داوای پاسپۆرت لە دەوڵەتی توركیە دەكات

عوسمان ئۆجەلان برای عەبدوڵا ئۆجەلان نامەیەك بەڕێدەكاتە سەرۆك وەزیرانی توركیە‌و داوای لێدەكات پاسپۆرتی توركیەیی پێ بدات.

بە پێی بڵاوكراوەی ماڵپەڕی سۆزجوی توركی، عوسمان ئۆجەلان رێكەوتی 8_12_2013 نامەیەكی پڕ لە ستایش بۆ رەجەب تەیب ئەردۆغان دەنێرێ‌و تێیدا كۆمەڵێك پێشنیار بۆ پرۆسەی ئاشتی نێوانی توركیە‌و پارتی كرێكارانی كوردستان دەخاتە روو.

عوسمان ئۆجەلان برای عەبدوڵا ئۆجەلان سەرۆكی پارتی كرێكارانی كوردستانە كە پاش دەسبەسەركردنی براكەی یەكێك لە سەركردنەكانی پارتی كرێكارانی كوردستان بووە‌و لە ساڵی 2004 لەگەڵ كۆمەڵێك لە كادرەكانی ئەو حیزبە جیابوونەوە‌و لە باشوری كوردستان نیشتەجێ بوون.