لاوێکی سه‌رده‌شتی به‌شێوه‌یه‌کی گوماناوی کوژرا

به پێی هه‌واڵێک که له لاپه‌ڕه‌ی بیرکۆ له سه‌ری تۆڕی فه‌یسبوک بڵاو بووه‌ته‌وه لاوێکی سه‌رده‌شتی به هۆیه‌کی نادیار پێشی پێ گیراوه‌و کوژراوه.به گوێره‌ی ئه‌و زانیارییه کاتژمێر 06:40 دوێنێ چوارشەمە 16ی رێبەندانی92 لاوێکی تەمەن 28ساڵ به‌ناوی سۆران عەبدی، ناسراو بە سۆرانی عەوڵای مستەفا خه‌ڵکی شارەدێی نەڵاس له 10کیلۆمه‌تریی سه‌رده‌شت بە‌دەست هێزه نیزامییەکان کوژراوه. 

به پێی زانیارییه‌که سۆران لە ناوەندی شارەدێی نەڵاس، کاتێک لەناو ماشێنەکەیدا بووه، دوای ئەوەی کە بە هۆکارێکی نادیار پێشی پێ گیراوه دوو جار تەقەی لێکراوه‌و یەکێک لە گولەکان لە کەلەکەی راستییه‌وه دڵی ناوبراوی پێکاوه‌و کاتژمێر7 لە ئۆرژانسی نه‌خۆشخانه‌ی شاری سەردەشت گیانی له‌ده‌ستدا.

وێنه: نه‌ڵاس