زاگرۆس پۆست
ناسر ره‌زازی هونه‌رمه‌ندی رۆژهه‌ڵاتیی دانیشتووی باشووری کوردستان رایگه‌یاندووه حکومه‌تی هاوکاری پرۆژه‌ی هونه‌ریی ناکات.ماڵپه‌ڕی ئێن‌ئارتی بڵاویکرده‌وه، ناسر ره‌زازی به ته‌له‌فزیۆنی ئێن‌ئارتی راگه‌یاندووه حکومه‌تی هه‌رێمی کوردستان هاوکاریی ناکات بۆ ده‌رهێنانی به‌رهه‌مێکی نوێی ئه‌و هونه‌رمه‌نده.
ره‌زازی جگه له‌وه‌ی ره‌دکردنه‌وه‌ی هاوکاریی له لایه‌ن حکومه‌تی هه‌رێمی پشتڕاست کردووه‌ته‌وه، ئه‌وه‌شی وت که پێیان وتووه: “به هیچ شێوه‌یه‌ک هاوکاریی کوردانی رۆژهه‌ڵات ناکه‌ین”.
گله‌ییه‌کی تری ره‌زازی ئه‌وه بووه که هونه‌رمه‌ندانی كورد له رۆژهه‌ڵاتی كوردستان له‌لایه‌ن سوپای پاسدارانه‌وه پێیان وتراوه كه خۆیان ماندونه‌كه‌ن، چونكه ئه‌و به‌رهه‌مه‌ی ئه‌وان به‌دڵنیان نه‌بێت كه‌ناڵه‌كانی باشوری كوردستانیش بۆیان بڵاوناكه‌نه‌وه.
