زاگرۆس پۆست
دوێنێ یه‌کشه‌مه هه‌واڵی خۆکوژیی دوو تازه‌لاوی سه‌رده‌شتی بڵاو بووه‌وه. له‌وباره‌وه که‌مپه‌ینی به‌رگری له زیندانیانی سیاسی‌و مه‌ده‌نی رایگه‌یاند ئارمان باوه‌ری ته‌مه‌ن 13ساڵ‌و محه‌مه‌د شێخی ته‌مه‌ن 15ساڵ به هۆکاری نادیار خۆیان کوشتووه.
ئارمان باوه‌ری سه‌رله‌به‌یانیی رۆژی یه‌کشه‌مه ئاگری له جه‌سته‌ی خۆی به‌رداوه‌و چه‌ند کاتژمێر دوای ئه‌ویش محه‌مه‌د شێخی خۆی هه‌ڵواسیوه.
ئه‌گه‌رچی ژماره‌یه‌ک له هاوشارییه‌کانی ئه‌و تازه‌لاوه پێیان وایه هۆکاری ئه‌و خۆکوژییانه کێشه‌ی ئابووری‌و کۆمه‌ڵایه‌تیه، به‌ڵام تا ئێسته هۆکاری خۆکوشتنیان ئاشکرا نییه.
