زاگرۆس پۆست
رۆژنامەیەكی ئەمریكایی ئاماژە بۆ ئەوە دەكات كە ئێران لە رۆژانی داهاتوودا 100 هەزار سەرباز بە مەبەستی پاراستنی دەسەڵاتی بەشار ئەسەد، رەوانەی سووریە دەكات.
بەپێی هەندێك سەرچاوەی رۆژئاوایی، رۆژنامەی واڵستریت ژۆناڵ بڵاویكردەوە ئێران خۆی ئامادە دەكات بۆ ئەوەی بەرگری تەواو لە شاری دەمێشق پایتەختی سووریە و دەسەڵات بەشار ئەسەد بكات و بۆ ئەمەش 100 هەزار سەرباز دەنێرێت بۆ ئەو وڵاتە.
رۆژنامەكە باس لەوە دەكات كە ئێران ئەمە لە رێگای سەرلەنوێ زیندوكردنەوەی رێككەوتنی ساڵی 2006ی زایینی لەگەڵ سووریە ئەنجام دەدات.
ئەو 100 هەزار سەربازەش كە دەینێرێت ماوەیەك لە ئێران و لە لایەن هێزە تایبەتەكانەوە سەرقاڵی راهێنان بوون.
ماوەیەكە ئەرتەشی ئەسەد لە پاشكەشێ دایەو ئێستا پلانی ئەوەی هەیە كە لە شارە بچوك و دوورەكان پاشكشێ بكات و بەرگری لە شارە گەورەكانی وەك دەمێشق و لازقیە بكات.
