“مێسیی ئاسیا”بوو بە باشترین یاریزان و گوڵكاری پاڵەوانیەتیی كۆردیال كەپ

یادگار رۆستەمی لە تیمی میللی تەمەن ژێر 11 ساڵانی هەڵبژاردەی ئێرانە كە بە “سپۆنسەر كیا” ناسراو و تیپەكەی پلەی دووەمی پاڵەوانیەتییەكەی بە دەست هێنا.

ئەو یاریزانە 11 ساڵانە لەلایەن “مەهدی مەهدەویكیا” یاریزانی پێشووتری هەڵبژاردەی تۆپی تیمی ئێران و راهێنەری ئەكادیمیای میللی ئێرانەوە ناسناوی “مێسیی ئاسیای” پێ دراوە، لە پاڵەوانیەتییەكەدا تیپەكەی پلەی دووەمی بە دەست هێنا، دوای ئەوەی لە یاریی كۆتاییدا بە ئەنجامی 6-7 گوڵ بە لێدانە یەكلاكەرەوەكان لە خاڵی سزا بە تیمی مونخ 1860 دۆڕان.

لەو پاڵەوانیەتییەدا یادگار رۆستەمی خونچە بەهرەمەندەكەی مەریوان، بە ئاستێكی بەرزەوە دەركەوت و توانی 14 گوڵ تۆمار بكات و ببێتە گۆڵكاری پاڵەوانیەتییەكە، هاوكات بە باشترین یاریزانی هەمان پاڵەوانیەتیی دەستنیشان كرا، ئەوەیش بە هۆی ئاست و هونەرە باڵاكەیەوە بوو.

بۆ زانین، ئەو پاڵەوانیەتییە بە بەشداریی 48 تیمی ئەكادیمیا ناسراوەكانی تۆپی پێی جیهان ئەنجام درا، كە دیارترینیان بایرن میونش و شتوتگارت و شاڵكە و سویس بوون.