زاگرۆس پۆست
پارێزگاری ئەنبار ئەمرۆ رایگەیاند: چەكدارانی داعش پاش هێرشكردنیان بۆ سەر رۆمادی 500 كەس لە هێزەكانی ئەرتشی عێراقیان لەو شارە لەگەڵ بنەماڵەكانیان گوللەباران كرد.
“سوهەیب راوی” پارێزگاری ئەنبار ئەمرۆ یەكشەممە 27ی مانگی گوڵان راگەیاند: سەرلەبەیانی رۆژی هەینی 25ی مانگی گوڵان چەكدارانی داعش بە دەیان ئۆتۆمبیلی بارهەڵگری بۆمبڕێژكراو هێرشیان كردەسەر شاری رۆمادی‌و پاش تێپەڕبوون لە سەنگەرەكانی ئەرتشی عێراق چەندین بەشی گرنگی ئەو شارەیان كۆنترۆڵ كرد.
ئاماژەی بەوەشدا: پاش گەیشتنیان بە شاری رۆمادی چەكدارانی داعش سەدان كەس لە هێزەكانی ئەرتشیان لەگەڵ بنەماڵەكانیان گوللەباران كرد.
