سەردانی گروپی پەرلەمانی بریتانیا بۆ ئێران

لە شاری لەندەن راگەیەندراوە گروپی پەرلەمانی بریتانیا پێكهاتوو لە چوار یاسادانەری ئەو وڵاتە لەسەر داوای گروپی هاوڕێیەتی ئێران‌و بریتانیا لە مەجلیسی شورای ئیسلامی، هەفتەی داهاتوو سەردانی ئێران دەكەن. ئەم گروپە لە مەودای 16 تا 20ی بەفرانبار سەردانی ئێران دەكەن‌و جەك ئێسترا كە ئەندامی هەیئەتی پەرلەمانی بریتانیا‌و وەزیری پێشوو و نوێنەری مەجلیسی گشتی لە حیزبی كرێكارە، لەم سەفەرەدا بەشدارە.
تەلەفیزیۆنی ئینگلیزی زمانی كۆماری ئیسلامیی ( پرێس تی ڤی ) رایگەیاند، ئەم هەیئەتە لەگەڵ كاربەدەستانی ئێرانیی لەوانە عەلی لاریجانی سەرۆكی مەجلیس‌و عەلادین بروجردی سەرۆكی كۆمیسیۆنی ئەمنیەتی نەتەوەیی‌و سیاسەتی دەرەوەی مەجلیس چاوپێكەوتن ئەنجام دەدەن.