زاگرۆس پۆست
بڕیاروایە رۆژی یەكشەممەی داهاتوو 6 گیراوەكەی رۆژهەڵات لە زیندانی مەحەتەی هەولێر ئازاد بكرێن.
سەرچاوەیەكی ئاگادار بە زاگرۆس پۆستی راگەیاند 6 كەس لەو چالاكوانە رۆژهەڵاتییەی بە تۆمەتی بەردباران كردنی كۆنسوڵخانەی ئێران لەهەولێر ماوەی نزیكەی دوو مانگە زیندانی كراون، بڕیارە یەكشەممەی داهاتوو ئازاد بكرێن.
رۆژی سێشەممەی رابردوو لەدانیشتنێكی تایبەتی دادگا لەشاری هەولێر دوو كەس لە گیراوەكانی رۆژهەڵات ئازاد كران‌و شەشەكەی دیكەش بە پێی مادەیەكی دیكەی یاسای سزادانی عێراقی زیندانی كرانەوە.
دادگا دوو كەس لە گیراوەكان بەناوی فازڵ محەمەدی‌و عەلی ئیسماعیل نژاد بە پێی مادەی 3ی خۆپیشاندان ئازاد كرد‌و شەش كەسەكەی دیكە لەلایەن دادوەرەوە بە مادەی 222ی لەیاسای سزادانی عێراقی مەحكوم كران‌و رەوانەی زیندان كرانەوە.
