زاگرۆس پۆست
بەهۆی ڕووداوی هاتوچۆ لە ماوەی 10 مانگی ڕابردوودا 14 هەزارو 579 كەس گیانیان لەدەست داوە.
بەپێی ئاماری پزیشكی قانوونی تەنیا لە مانگی ڕێبەندانی ئەمساڵدا 1108 كەس بە هۆی ڕووداوی هاتوچۆ گیانیان لەدەست داوەو ئاماری برینداربووانیش هەر لەم مانگەدا لە چاو ساڵی ڕابردوو سەدی 14 بەرزبۆتەوە.
ئەحمەد شوجاعی، سەرۆكی ڕێكخراوی پزیشك قانوونیی ئێران دەڵێ، زۆربەی ئەم ڕووداوانە لە جادەكانی دەرەوەی شار ڕوویان داوە.
كارناسان دەڵێن سێ هۆكاری مرۆیی، بارودۆخی خراپی جادەكان‌و ناستاندارد بوونی ئۆتۆمبیلەكان هۆكارە سەرەكییەكانی ڕووداوی هاتوچۆ لە ئێرانن و بەپێی ئامارەكان، لە ساڵی 1357 ەوە تا ئێستا 800 هەزار كەس لە ئێران بە هۆی ڕووداوی هاتوچۆ گیانیان لە دەست داوە.
جێگای ئاماژەیە، ڕووداوی هاتوچۆ نۆهەمین هۆكاری مردن لە جیهان دایە بەڵام لە ئێران پاش نەخۆشییەكانی دڵ، بە دووهەمین هۆكاری مردنی مرۆڤ دادەنرێ.
