ژنێكی كورد بە هۆی هەڵەی پزیشكی گیانی لەدەستدا

ژنێكی خەڵكی شاری سەقز بە هۆی هەڵەی پزیشكی و لە كاتی تاقیكردنەوە، گیانی لەدەستداوە.

بە پێی هەواڵی گەیشتوو بە “زاگرۆس پۆست”، ژنێكی كوردی خەڵكی گەڕەكی “بەهارستانی خوارۆ”ی شاری سەقز، بە ناوی “خەرامان عەبدوڵڵازادە” و 52 ساڵە بە هۆی ئەوەیكە تاقیكردنەوەیەكی پزیشكی هەڵەیان بۆ كردووە، گیانی لەدەستداوە.

ناوبراو كە بە مەبەستی ئەنجامی تاقیكردنەوەی “MRT” رووی لە نەخۆشخانەیەك لە شاری تەورێز كردبوو، بە هۆی ئەوەیكە تاقیكردنەوەكە بە شێوەی هەڵە بۆ ئەنجام دراوە، گیانی لەدەستداوە.

جێگای ئاماژەیە، ساڵانە ژمارەیەكی زۆر لە ناوچە جیاجیاكانی ئێران و بەتایبەت لە كوردستان دەبنە قوربانیی كەمتەرخەمی و هەڵەی پزیشكان و كاربەدەستانی نێو نەخۆشخانەكان و هیچ كەس و لایەنێكی حكومەتیی وەڵامدەرەوەی ئەم هەڵەگەلە نیە.